فوتو: ANDREJ ISAKOVIC/AFP via Getty Images
قازاقستاندىق جەڭٸل اتلەت نادەجدا دۋبوۆيتسكايا قىتايدىڭ حانجچوۋ قالاسىندا ٶتٸپ جاتقان ازييا ويىندارىندا قولا جٷلدەگەر اتاندى, دەپ حابارلايدى "ۇلت اقپارات".
باستى فاۆوريتتەردٸڭ بٸرٸ سانالعان دۋبوۆيتسكايا بيٸكتٸككە سەكٸرۋ جارىسىندا ٷشٸنشٸ ورىندى مٸسە تۇتتى. ونىڭ ەڭ ٷزدٸك نەتيجەسٸ - 1.86 م.
جەڭٸمپازدار تۇعىرىنداعى ەكٸ ورىندى ٶزبەكستاننان كەلگەن سپورتشىلار سافينا سادۋللاەۆا مەن سۆەتلانا رادزيۆيل يەلەندٸ.
سونداي-اق, بۇل سايىستا باق سىناعان تاعى بٸر قازاقستاندىق جەڭٸل اتلەت كريستينا وۆچيننيكوۆا 4 ورىندى مٸسە تۇتتى. ونىڭ كٶرسەتكٸشٸ - 1.84 م.
ايتا كەتەيٸك, بيىلعى ازييا ويىندارىندا نادەجدا دۋبوۆيتسكايا قازاقستان بوكس قۇراماسىنىڭ كاپيتانى اسلانبەك شىمبەرگەنوۆپەن بٸرگە تۋ كٶتەرٸپ شىققان ەدٸ.
