ادۆوكات دجوحار ٶتەبەكوۆ ەيەلٸ كوروناۆيرۋس جۇقتىرعانىن حابارلادى. ول بالالارىمەن بٸرگە Covid-19 تەستٸن تاپسىردى. سىناما قورىتىندىسى ەلٸ شىققان جوق.
"ەيەلٸم تاپسىرعان تەست COVID-19 جۇقتىرعانىن راستادى. ول ينفەكتسييالىق مودۋلدە جاتىر. مەن ەكٸ بالامىزبەن 1-شٸ اۋرۋحانادامىن. كەشە تەست تاپسىردىق. قالالىق دەنساۋلىق ساقتاۋ بٶلٸمٸ اناليزدەردٸ بٷگٸن ناقتىلايدى دەپ سەنەمٸن. بٸراق ونسىز دا تەست قورىتىندىسى قانداي بولاتىنى بەلگٸلٸ", - دەپ جازدى ٶتەبەكوۆ Facebook پاراقشاسىندا.
بۇعان دەيٸن دەنساۋلىق ساقتاۋ مينيسترٸنٸڭ بۇرىنعى ورىنباسارى قامالجان نادىروۆ كوروناۆيرۋس جۇقتىرعانى حابارلاندى. تەست قورىتىندىسى 21 سەۋٸر كٷنٸ شىقتى. 22 سەۋٸردە ول الماتى قالاسى قوعامدىق دەنساۋلىق ساقتاۋ باسقارماسىنىڭ جەتەكشٸسٸ قىزمەتٸنە كٸرٸسۋٸ تيٸس بولاتىن.
بارلىعى ەلدە 5 689 ادام ۆيرۋس جۇقتىردى. 2 531 ادام جازىلىپ شىقتى, 34 ادام قايتىس بولدى.
