فوتو: انتون شاكيروۆ
اۋعانستاندا تۇراتىن قازاق دياسپوراسى بۇۇ-نىڭ ميگراتسييا بويىنشا جاھاندىق ەلشٸسٸ ديماش قۇدايبەرگەنگە رەسمي ٷندەۋ جولدادى, دەپ حابارلايدى Ult.kz Adyrna.kz سايتىنا سٸلتەمە جاساپ.
ولار ديماشتىڭ بۇل مەرتەبەسٸن ٷلكەن ٷمٸت دەپ اتاپ, ەكٸ مەسەلە بويىنشا كٶمەك سۇرايدى:
- 1. اۋعانستان قازاقتارىن قازاقستاننىڭ رەپاترياتسييالىق باعدارلاماسىنا قوسۋ;
- 2. مەدەني-گۋمانيتارلىق قولداۋ كٶرسەتۋ.
قازٸرگٸ تاڭدا اۋعانستاندا شامامەن 5 مىڭ قازاق تۇرادى. اۋعانستان قازاق مەدەني ورتالىعىنىڭ تٶراعاسى اسادوللا ويماۋىتتىڭ ايتۋىنشا, وسى 5 مىڭ ادامعا قاتىستى تٸزٸمدەر مەن قاجەتتٸ قۇجاتتار تولىق دايىن, الايدا كٶشٸ-قون شەكتەۋلەرٸنە بايلانىستى تاريحي وتانعا ورالۋ مەسەلەسٸ ەلٸ شەشٸلمەگەن. دياسپورانىڭ باستى ارمانى – ۇرپاقتى امان-ەسەن قازاقستانعا جەتكٸزۋ.
