فوتو: Sputnik/ەرتاي سارباسوۆ
الماتى حالىقارالىق ەۋەجايىنىڭ پرەزيدەنتٸ گوكەر كوسە ەۋەجاي قۇنىنا بايلانىستى ەۋە بيلەتتەرٸنٸڭ قىمباتتاۋى تۋرالى جەلٸدە پايدا بولعان اقپاراتقا تٷسٸنٸكتەمە بەردٸ, دەپ حابارلايدى Ult.kz, Sputnik.kzكە سٸلتەمە جاساپ.
ٶز مەلٸمدەمەسٸندە كوسە قازاقستان ەۋەجايلارى اۆيابيلەتتەر باعاسىنىڭ جوعارى بولۋىنا كٸنەلٸ ەمەس ەكەنٸن ايتا كەلٸپ, اۆياتسييا سالاسى جۇمىسىن تٷسٸنۋگە شاقىردى.
ەۋە بيلەتتەرٸنٸڭ قىمبات بولۋىنا ەۋەجايلار جاۋاپتى ەمەس, دەيدٸ گوكەر كوسە.
"بٸرٸنشٸدەن, ەۋەجايلار, سونىڭ ٸشٸندە حالىقارالىق الماتى ەۋەجايى اۆيابيلەتتەرگە جوعارى باعا قالىپتاستىرۋعا قاتىسپايتىنىن اتاپ ٶتۋ قاجەت. حالىقارالىق ەۋەجايلار كەڭەسٸ (ACI World) اتاپ ٶتكەندەي, ەلەمدٸك اۋقىمدا ەۋەجايلىق الىمدار اۆياكومپانييالاردىڭ جالپى شىعىندارىنىڭ تەك 4% -ىن قۇرايدى", - دەپ اتاپ ٶتتٸ ەۋەجاي پرەزيدەنتٸ.
ونىڭ ايتۋىنشا, ەلٸمٸزدٸڭ نارىعىندا قازاقستاننىڭ ٸشكٸ اۆياكومپانييالارى ازيياداعى ەڭ تٶمەن ەۋەجايلىق الىمداردىڭ بٸرٸن پايدالانادى, بۇل ەلدٸڭ اۆياتسييالىق سەكتورى ٷشٸن ايتارلىقتاي بەسەكەلەستٸك ارتىقشىلىق بولىپ سانالادى.
كوسە اتاپ ٶتكەندەي, بيلەتتەردٸڭ قۇنىنا ەسەر ەتەتٸن نەگٸزگٸ فاكتورلاردىڭ بٸرٸ – اۆياتسييالىق وتىننىڭ باعاسى. الايدا ەۋەجاي پرەزيدەنتٸ قازاقستانداعى احۋال جالپىەلەمدٸك جاعدايدان جامان ەمەس ەكەنٸن اتاپ ٶتتٸ.
"اۆياكومپانييالار شىعىنداردى باسقارۋدىڭ تٷرلٸ تەتٸكتەرٸن پايدالانا وتىرىپ, بيلەتتەردٸڭ باعاسىن وڭتايلاندىرا الادى. بۇل رەتتە ەۋەجايلاردىڭ قارجىلىق جاعدايىنىڭ ناشارلاۋى اۆياكومپانييالار ٷشٸن دە, سوڭعى جولاۋشىلار ٷشٸن دە جاعدايدى جاقسارتۋعا ىقپال ەتپەيدٸ. بٸز بارلىق مٷددەلٸ قاتىسۋشىلاردى, ونىڭ ٸشٸندە مەملەكەتتٸك ورگانداردى سالاداعى جاعدايدى جاقسارتۋعا باعىتتالعان شەشٸمدەردٸ ٸزدەۋگە شوعىرلاندىرۋعا شاقىرامىز. ول ٷشٸن ەۋەجايلاردىڭ ازاماتتىق اۆياتسييانى دامىتۋعا قوسقان ٷلەسٸن قوسا العاندا, بارلىق اسپەكتٸلەردٸ ەسكەرۋ جەنە كەشەندٸ جەنە ورنىقتى شەشٸمدەردٸ ەزٸرلەۋ ٷشٸن سىندارلى ديالوگتا جۇمىس ٸستەۋ قاجەت", - دەلٸنگەن كوسە مەلٸمدەمەسٸندە.
سوڭعى ٷش جىلدا الماتى ەۋەجايىنداعى جاڭا تەرمينال مەن نىسانداردىڭ قۇرىلىسىنا 200 ميلليون اقش دوللارىنان استام ينۆەستيتسييا سالىنعان.
"نەتيجەسٸندە 2024 جىلى بٸز رەكوردتىق 11,4 ميلليون جولاۋشىعا قىزمەت كٶرسەتتٸك, جاڭا باعىتتاردى اشتىق جەنە جاڭا اۆياكومپانييالاردى تارتتىق. بۇل بارلىق مٷددەلٸ تاراپتارمەن ىنتىماقتاستىقتىڭ ارقاسىندا مٷمكٸن بولدى. سوندىقتان الماتى حالىقارالىق ەۋەجايى قازاقستاننىڭ اۆياتسييالىق سالاسىن دامىتۋعا بايلانىستى مەسەلەلەردٸ شىنايى جەنە اشىق تالقىلاۋعا دايىن جەنە نارىقتىڭ بارلىق قاتىسۋشىلارى مەن جولاۋشىلاردىڭ يگٸلٸگٸ ٷشٸن جۇمىس ٸستەۋٸن جالعاستىرا بەرەدٸ", - دەدٸ كوسە.
