اتىراۋدا امستەردامنان ۇشىپ كەلگەن ستۋدەنتتەردەن الىنعان تەست ولاردىڭ كوروناۆيرۋس جۇقتىرماعانىن كٶرسەتتٸ, - دەپ حابارلايدى ٶڭٸرلٸك كوممۋنيكاتسييالار قىزمەتٸ.
«3 سەۋٸردە «Air Astana» ەۋە كومپانيياسىنىڭ ارنايى رەيسٸمەن امستەردامنان اتىراۋعا قازاقستان-بريتان تەحنيكالىق ۋنيۆەرسيتەتٸ جانىنداعى تەڭٸز اكادەميياسىنىڭ 24 كادەتٸ مەن ەكٸ وقىتۋشى وفيتسەر ۇشىپ كەلگەن. بۇعان دەيٸن ولار قازاقستانعا فرانكفۋرتتان كارانتينگە بايلانىستى رەيستەردٸڭ توقتاتىلۋى سەبەبٸمەن كەلە الماعان. اتىراۋدا كادەتتەر ەكٸ كٷن كارانتين وقشاۋلاعىشىندا جاتىپ, كوروناۆيرۋسقا تەست تاپسىردى. ٸندەت تابىلماعان سوڭ, ستۋدەنتتەر قالاداعى قوناقٷيلەردٸڭ بٸرٸنە ٷي جاعدايىنداعى كارانتينگە اۋىستىرىلدى», - دەلٸنگەن وبلىستىق دەنساۋلىق ساقتاۋ بٶلٸمٸ تاراتقان حابارلامادا.
بۇعان دەيٸن قبتۋ قازاقستاندىق تەڭٸز اكادەميياسىنىڭ 24 كادەتٸ مەن ەكٸ وقىتۋشى وفيتسەر اتلانت مۇحيتىندا تۇرعان كەمەدە 46 كٷن بولعانى حابارلانعان ەدٸ.
