اتىراۋدا ۆاكتسينا سالدىرعان بويجەتكەن 500 مىڭ تەڭگەنٸڭ تۋريستٸك جولداماسىن ۇتىپ الدى, دەپ حابارلايدى "ۇلت اقپارات".
اتىراۋداعى «تاماشا» ساۋدا ورتالىعى ۆاكتسينا العان تۇرعىندار اراسىندا ۇتىس ويىنىن ۇيىمداستىرعان ەدٸ. ۇتىس ويىنى 24 ماۋسىمدا باستالدى.
ۇتىس ويىنىنا ساۋدا ورتالىعىنداعى ەگۋ بەكەتٸندە ۆاكتسينا سالدىرعان 2 مىڭنان استام ادام قاتىستى. الدىمەن ەكٸ 10 مىڭ تەڭگەلٸك, بٸر 30 مىڭ تەڭگەلٸك اقشالاي سىيلىق ويناتىلدى. ۇتىستىڭ باستى سىيلىعى – 500 تەڭگەلٸك تۋريستٸك جولدامانىڭ سەرتيفيكاتىن قۇرمانعازى اۋدانىنىڭ تۇرعىنى ايدا شايحيەۆا ۇتىپ الدى.
«بٸر اي بۇرىن ساۋدا ورتالىعىندا ۆاكتسينا سالدىرعان ەدٸم. ەندٸ مٸنە, 500 مىڭ تەڭگەنٸڭ تۋريستٸك جولداماسىنا يە بولدىم. بۇل – مەن ٷشٸن توسىنسىي» - دەيدٸ ايدا شايحيەۆا.
