اتىراۋدا ٶرتەنگەن قورادا 6 قوي تٸرٸلەي جانىپ كەتتٸ, دەپ حابارلايدى "ۇلت اقپارات".
وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنە سٷيەنسەك, ٶرت كەشە, 23 شٸلدەدە قىزىلبالىق اۋىلىندا بولعان.
«دەپارتامەنتتٸڭ ديسپەتچەرلٸك پۋلتٸنە ساعات 17:43-تە اتىراۋ قالاسىنىڭ ماڭىنداعى قىزىلبالىق اۋىلىندا قورانىڭ ٶرتەنگەنٸ تۋرالى حابار تٷستٸ. جالپى اۋماعى 50 شارشى مەتردٸ قۇرايتىن قورانى ٶرت شارپىعان. قوراعا 12 باس قوي بولعان. وقيعا ورنىنا 2 كٶلٸكپەن كەلگەن ارنايى قىزمەتتٸڭ 8 قىزمەتكەرٸ ٶرتتٸ سٶندٸرۋ كەزٸندە 6 باس قويدى قۇتقارىپ قالدى» -دەپ حابارلادى دەپارتامەنتتٸڭ باسپاسٶز قىزمەتٸ.
جالىن ساعات 18:16-دا اۋىزدىقتالىپ, ساعات 18:22-دە تولىق سٶندٸرٸلدٸ. ٶرتتٸڭ شىعۋ سەبەبٸ انىقتالىپ جاتىر.
