اتىراۋ قالاسىنداعى سۋپەرماركەتتٸ تالقانداعان ناشاقور قاماۋعا الىندى, دەپ حابارلايدى قازاقپارات.
وبلىستىق پوليتسييا دەپارتامەنتٸنٸڭ باسپاسٶز قىزمەتٸ 17 قاڭتاردا تٷنگٸ ساعات 00:00-دە بولعان وقيعانى راستادى.
بۇرىننان ناركولوگييالىق ديسپانسەردٸڭ ەسەبٸندە تۇراتىن 31 جاستاعى ناشاقور جٸگٸت ازىق-تٷلٸك ساتاتىن سۋپەرماركەتكە ەسٸكتەگٸ ەينەكتٸ سىندىرىپ كٸرگەن. سۋپەرماركەت سٶرەلەرٸندەگٸ ازىق-تٷلٸكتەردٸ وڭدى-سولدى شاشىپ, جەشٸكتەردٸ قۇلاتىپ تاستاعان.
«كەسٸپكەرلٸك نىسانىنا ماتەريالدىق شىعىن كەلتٸرگەن بۇزاقى ۇستالدى. وعان قاتىستى قىلمىستىق ٸس قوزعالدى. ۇستالعان ناشاقور قاماۋعا الىندى», -دەپ مەلٸم ەتتٸ دەپارتامەنتتٸڭ باسپاسٶز قىزمەتٸنەن.
