اتىراۋ وبلىسىنىڭ ەكٸمدٸگٸ وبلىس ەكٸمٸنٸڭ ورىنباسارى باقىتگٷل حامەنوۆاعا قاتىستى قىلمىستىق ٸستە ايتىلعان اباي قۇنانباەۆتىڭ ەسكەرتكٸشٸنە قانشا اقشا تٶلەنگەنٸ تۋرالى ايتتى, - دەپ حابارلايدى Tengrinews.kz.
اتىراۋ قالاسى ەكٸمٸنٸڭ ورىنباسارى سامات ەمبەرگەن قۇرىلىسقا 72,5 ميلليون تەڭگە تٶلەنگەنٸن ايتتى.
"2021 جىلعى 3 قاراشادا جەتكٸزۋشٸمەن قۇنى 145 ميلليون تەڭگە بولاتىن اباي قۇنانباەۆتىڭ ەسكەرتكٸشٸن ورناتۋعا كەلٸسٸم جاسالعان. 2021 جىلى بٶلٸنگەن سوما 72,5 ميلليون تەڭگە", - دەدٸ ەكٸم ورىنباسارى.
ونىڭ ايتۋىنشا, نىسان قازٸرگٸ ۋاقىتتا پايدالانۋعا بەرٸلگەن جوق.
"قۇقىق قورعاۋ ورگاندارى وسى جوبا بويىنشا تەرگەۋ جۇمىستارىن باستاعانىنا بايلانىستى قالعان سومانى اۋدارۋ مٷمكٸن ەمەس", - دەپ قوستى ول.
ەمبەرگەن سوت شەشٸمٸ شىققانعا دەيٸن كەلٸسٸمشارتتى قايتا قاراۋ مٷمكٸن ەمەس, سەبەبٸ بۇل قازاقستان زاڭناماسىنىڭ تالاپتارىنا قايشى كەلەتٸنٸن اتاپ ٶتتٸ.
ەسكە سالايىق, 30 جەلتوقساندا اتىراۋداعى اباي اتىنداعى ورتالىق ماڭىندا اباي ەسكەرتكٸشٸ اشىلعان بولاتىن.
دەل وسى ەسكەرتكٸش اتىراۋ وبلىسى ەكٸمٸنٸڭ بۇرىنعى ورىنباسارى باقىتگٷل حامەنوۆاعا قاتىستى قىلمىستىق ٸستە كٶرسەتٸلگەن. ول 10 جەلتوقساندا ۇستالدى. حامەنوۆا مەن مەدەنيەت باسقارماسىنىڭ باسشىسى رىسقاليەۆ 4,5 ميلليون تەڭگە كٶلەمٸندە پارا الدى دەگەن كٷدٸككە ٸلٸنگەن بولاتىن. ەگەر ەكٸم ورىنباسارىنىڭ كٸنەسٸ دەلەلدەنسە, ول 7 جىلدان 12 جىلعا دەيٸن باس بوستاندىعىنان ايىرىلۋى مٷمكٸن.
