اتىراۋدا 6-قاباتتان قۇلاعان 5 جاسار قىز اۋرۋحانادا كٶز جۇمدى, دەپ حابارلايدى قازاقپارات.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, بٷگٸن, 20 قازاندا ساعات 15:05-تە جەدەل جەردەمگە شاقىرتۋ تٷسكەن.
«بٷگٸن وبلىستىق بالالار اۋرۋحاناسىنا اتىراۋ قالاسىنداعى «نۇرسايا» شاعىن اۋدانىندا ورنالاسقان تۇرعىن ٷيدٸڭ 6-قاباتىنان قۇلاعان 5 جاسار قىز جەتكٸزٸلدٸ. جانساقتاۋ بٶلٸمٸنە تٷسكەندە ونىڭ جاعدايى ٶتە اۋىر بولدى. ناۋقاستا جابىق باس-مي جاراقاتى بولعان. جامباسى سىنعان, ٸشكٸ اعزاسى زاقىمدانعان. دەرٸگەرلەر 5 جاسار قىزدىڭ ٶمٸرٸن ساقتاپ قالۋ ٷشٸن ەمدەۋ شارالارىن جٷرگٸزدٸ. الايدا, اۋىر جاراقات العان ناۋقاس جانساقتاۋ بٶلٸمٸندە كٶز جۇمدى» -دەپ حابارلادى باسقارمانىڭ باسپاسٶز قىزمەتٸ.
