اتىراۋدا ٷيٸنٸڭ اۋلاسىنا سورا ٶسٸرگەن تۇرعىن ۇستالدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆتىڭ اقپاراتىنا سٷيەنسەك, ەسٸرتكٸگە قارسى كٷرەس باسقارماسىنىڭ قىزمەتكەرلەرٸ ماريحۋانا ٶسٸرۋمەن اينالىسقان تۇرعىندى انىقتاعان.
«ۇستالعان كٷدٸكتٸنٸڭ مەكەنجايى بويىنشا اۋلاسىن تٸنتۋ كەزٸندە 10 تٷپ ٶسٸمدٸك تابىلىپ, تەركٸلەندٸ. ساراپتاما قورىتىندىسىمەن تەركٸلەنگەن ەسٸرتكٸ زاتىنىڭ 14 تٷپ سورا ٶسٸمدٸگٸ ەكەنٸ بەلگٸلٸ بولدى», - دەيدٸ وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆ.
قازٸر اۋلاسىندا ەسٸرتكٸ ٶسٸرگەن ٷي يەسٸنە قاتىستى قر قىلمىستىق كودەكسٸنٸڭ 300-بابىنىڭ 1-بٶلٸگٸمەن سوتقا دەيٸنگٸ تەرگەۋ باستالدى.
