© Public Domain
اتىراۋ وبلىسىندا فۋتبول ماتچىندا بولعان جانجالدان كەيٸن جاس جٸگٸتتٸ پىشاقتاپ كەتتٸ. ول وقيعا ورنىندا كٶز جۇمدى, دەپ حابارلادى Sputnik قازاقستان caspiannews.kz پورتالىنا سٸلتەمە جاساپ.
جولداستىق ماتچ ساعىز اۋىلىندا ٶتكەن. سول كەزدە ويىنشىلار سٶزگە كەلٸپ, جانجال تۋىنداعان. ال دالاعا شىققاسىن تٶبەلەس باستالعان. بٸر ادام جاراقات الىپ, اۋرۋحاناعا تٷستٸ. تاعى بٸرەۋٸن پىشاقتاپ كەتكەن. ول وقيعا ورنىندا قايتىس بولدى. جاس جٸگٸت جاقىندا عانا ەسكەردەن كەلگەن.
وبلىستىق پوليتسييا دەپارتامەنتٸ كٷدٸكتٸنٸڭ ۇستالعانىن حابارلادى. 24 جاستاعى ەر ادام قىلمىستىق كودەكستٸڭ 99-بابى (ادام ٶلتٸرۋ) بويىنشا تەرگەۋگە الىندى.
ايتا كەتەرٸ, بۇل قىلمىس ٷشٸن سەگٸز جىلدان ون بەس جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان.
