فوتو: Stan.kz
استاناداعى ليفتتە پىشاق جاراقاتىن العان 5 جاسار بالانىڭ ٶمٸرٸن دەرٸگەر كٶرشٸسٸ قۇتقارىپ قالعان, دەپ حابارلايدى Stan.kz.
بۇعان دەيٸن استاناداعى تۇرعىن ٷي كەشەندەرٸنٸڭ بٸرٸندە كەمەلەتكە تولماعان جاسٶسپٸرٸم ليفت ٸشٸندە 5 جاسار بالاعا شابۋىل جاساپ, بٸرنەشە پىشاق جاراقاتىن سالعانى تۋرالى جازعان ەدٸك. قىلمىستان كەيٸن جاسٶسپٸرٸم وقيعا ورنىنان قاشىپ كەتكەن.
زارداپ شەككەن بالانىڭ اناسى بٸردەن كٶمەك سۇراپ دەرٸگەر بولىپ جۇمىس ٸستەيتٸن كٶرشٸسٸنە جٷگٸنگەن. كٶرشٸسٸ – استاناداعى №1 قالالىق اۋرۋحانانىڭ دەرٸگەرٸ, 13 جىلدىق تەجٸريبەسٸ بار حيرۋرگ-ەندوسكوپيست جاندوس احناەۆ بولىپ شىقتى.
دەرٸگەر شۇعىل ەرٸ كەسٸبي تٷردە العاشقى مەديتسينالىق كٶمەك كٶرسەتٸپ, قان كەتۋدٸ توقتاتىپ, جەدەل جەردەم بريگاداسى كەلگەنشە بالانىڭ جاعدايىن تۇراقتاندىرعان.
وسىدان سوڭ بالا اۋرۋحاناعا جەتكٸزٸلٸپ, وندا وعان وتا جاسالىپ, قازٸر قاجەت مەديتسينالىق كٶمەك كٶرسەتٸلٸپ جاتىر. دەرٸگەرلەر بالانىڭ جاعدايى تۇراقتى, ورتاشا اۋىر ەكەنٸن ايتادى.
دەپۋتات اسحات ايماعامبەتوۆ بۇل سۇمدىق جاعداي كەشەندٸ شەشٸمدەر قابىلداۋ كەرەگٸن ايتادى.
