فوتو: depositphotos.com
استانا قوعامدىق دەنساۋلىق ساقتاۋ باسقارماسى تٸرٸ قالعان تٶرتٸنشٸ الپينيستٸڭ جاعدايى تۋرالى ايتتى, - دەپ حابارلايدى Tengrinews.kz.
"1999 جىلى تۋعان ناۋقاستىڭ جاعدايى وڭ ديناميكادا. قازٸرگٸ ۋاقىتتا ناۋقاس ستاتسيونار بٶلٸمٸندە جاتىر. تراحەوستومييالىق تٷتٸكسٸز, ٶز بەتٸنشە تىنىس الىپ, تولىق كەشەندٸ ەم قابىلداپ جاتىر", - دەپ حابارلادى ۆەدومستۆو.
دەرٸگەرلەردٸڭ ايتۋىنشا, ٶنەركەسٸپتٸك الپينيست 6 قاراشادا ٶزدٸگٸنەن تاماق ٸشٸپ, سەرۋەنگە شىققان.
ەسكە سالايىق, 12 قازاندا استاناداعى قۇرىلىس نىساندارىنىڭ بٸرٸندە تٶرت ٶنەركەسٸپتٸك الپينيست جۇمىس كەزٸندە توعىزىنشى قاباتتان قۇلاپ كەتكەن. ٷش الپينيست قازا بولىپ, بٸرەۋٸ اۋرۋحانعا تٷسكەن بولاتىن.
