يزرايلدٸڭ جەتەكشٸ باسىلىمدارىنىڭ بٸرٸ «The Jerusalem Post» استانا قالاسىن عىلىمي-فانتاستيكالىق فيلمنٸڭ الاڭىنا ۇقساتتى. «Astana: an architectural playground» ماقالاسىنىڭ اڭداتپاسى يزرايلدٸڭ قازاقستانداعى ەلشٸلٸگٸنٸڭ فەيسبۋكتەگٸ رەسمي پاراقشاسىندا جارييالاندى, دەپ حابارلايدى قازاقپارات.
«استاناعا قونىپ كەلە جاتقان سەت بولاشاق جايىندا عىلىمي-فانتاستيكالىق فيلم تٷسٸرٸپ جاتقان تٷسٸرٸلٸم الاڭى ٸسپەتتٸ: شار نەمەسە «كٶز» تەرٸزدەس عاجايىپ عيماراتتار عارىشقا كٶز تٸگٸپ, جاتجۇرتتىق تٸرشٸلٸك يەسٸمەن تٸلدەسٸپ تۇرعانداي. ۇشار باسىندا سٷمبٸسٸ بار بيٸك عيماراتتار انتەننالاردى ەسكە تٷسٸرەدٸ. تٷندە قالانىڭ باسىم بٶلٸگٸ جالت-جۇلت ەتكەن وتتارمەن كٶمكەرٸلٸپ, كارناۆال كٶڭٸل-كٷيٸن سىيلايدى. كٶپتەگەن فۋتۋريستٸك فيلمدەر قالانى حالىق تىعىز ورنالاسقان ورىن رەتٸندە بەينەلەيدٸ. الايدا استانا دەل وسى قالىپتى بۇزىپ تۇر», - دەپ جازادى باسىلىم.
ماقالانىڭ اعىلشىن تٸلٸندەگٸ تولىق نۇسقاسىمەن مىنا سٸلتەمەگە ٶتۋ ارقىلى تانىسۋعا بولادى.
