وسى جىلدىڭ سوڭىندا اشارشىلىق تاقىرىبىنداعى «اق بوز ٷي» تولىقمەتراجدى كٶركەم فيلمٸ كٶرەرمەنگە جول تارتادى. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«20-30 جىلدارداعى اشارشىلىق تاقىرىبىندا سماعۇل ەلۋبايدىڭ ستسەنارييٸ بويىنشا 2020 جىلى «اق بوز ٷي» تولىقمەتراجدى كٶركەم فيلمٸ ٶندٸرٸسكە جٸبەرٸلدٸ, فيلمدٸ تاپسىرۋ وسى جىلدىڭ سوڭىنا جوسپارلانعان», - دەدٸ پرەمەر-مينيستر.
ٷكٸمەت باسشىسى اشارشىلىق زارداپتارى تاقىرىبىنا ارنالعان دراماتۋرگ و.جانايداروۆتىڭ «جۇت» دراماسى ەلٸمٸزدٸڭ م.لەرمونتوۆ اتىنداعى ۇلتتىق اكادەمييالىق ورىس دراما, ا.ن.وستروۆسكيي اتىنداعى باتىس قازاقستان وبلىستىق ورىس دراما, شىعىس قازاقستان وبلىستىق دراما, ن.جانتٶرين اتىنداعى ماڭعىستاۋ وبلىستىق مۋزىكالىق دراما تەاترلارىندا ساحنالانىپ جٷرگەندٸگٸن اتاپ ٶتەدٸ.
«سونىمەن قاتار, اتالعان تاقىرىپتا ا.توقپانوۆ اتىنداعى جامبىل وبلىستىق قازاق دراما تەاترىندا ش.مۇرتازانىڭ «تۇرار. ستالينگە حات» جەنە ن.بەكەجانوۆ اتىنداعى قىزىلوردا وبلىستىق اكادەمييالىق قازاق مۋزىكالىق دراما تەاترىندا س.ەمبەرگەنوۆتٸڭ «انا جٷرەگٸ» سپەكتاكلدەرٸ دە ساحنالانعان», - دەدٸ ٷكٸمەت باسشىسى.
