الدىن الا مەلٸمەتكە سەيكەس, ارىستاعى جارىلىس سالدارىنان مەملەكەتكە كەلتٸرٸلگەن شىعىن مٶلشەرٸ شامامەن 20 ميللارد تەڭگە. بۇل تۋرالى قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر ايتتى, دەپ حابارلايدى Sputnik قازاقستان.
ونىڭ ايتۋىنشا, 24 ماۋسىم كٷنٸ ارىس قالاسىندا بولعان جارىلىستان 8 مىڭنان استام عيمارات زاقىمدانعان. بۇل دا ەلٸ ناقتى سان ەمەس.
"الدىن الا مەلٸمەتكە سەيكەس, 7 600 ٷيگە زاقىم كەلگەن. ال كەشە كەشكە شامامەن 8 مىڭ ٷيگە جەتتٸ. بۇل ناقتى سان ەمەس", - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق ۆلاديمير بەككەر جارىلىس سالدارىنان مەملەكەتكە كەلتٸرٸلگەن شىعىن مٶلشەرٸن بولجاپ ايتتى.
"كەشە بٸز بۇل مەسەلەنٸ تيٸستٸ ورگاندارمەن تالقىلادىق. الدىن الا مەلٸمەتكە سەيكەس, جارىلىستان كەلگەن شىعىن مٶلشەرٸ شامامەن 20 ميلليارد تەڭگە. بۇل قالانى جٶندەۋگە قاجەتتٸ قاراجات. بٸراق بۇل سان ٶزگەرۋٸ مٷمكٸن. مەنٸڭ ويىمشا, 15 شٸلدە كٷنٸ جارىلىس سالدارىنان كەلگەن شىعىننىڭ ناقتى مٶلشەرٸ بەلگٸلٸ بولادى, - دەپ تٷيٸندەدٸ سٶزٸن تٶتەنشە جاعدايلار كوميتەتٸنٸڭ تٶراعاسى.
