ارمەنييادا كوروناۆيرۋس ٸندەتٸنە بايلانىستى 2020 جىلدىڭ 16 ناۋرىزىندا جارييالانعان تٶتەنشە جاعداي رەجيمٸ 11 قىركٷيەككە دەيٸن ۇزارتىلدى. مۇنداي شەشٸم ەل ٷكٸمەتٸنٸڭ كەزەكتەن تىس وتىرىسىندا قابىلداندى, دەپ حابارلايدى "ۇلت اقپارات" ارمەنپرەسس اگەنتتٸگٸنە سٸلتەمە جاساپ.
ارمەنييادا تٶتەنشە جاعداي رەجيمٸ بۇعان دەيٸن بٸرنەشە رەت ۇزارتىلعان ەدٸ. وسى جولى تاعى بٸر ايعا, ياعني 11 قىركٷيەككە دەيٸن, جەرگٸلٸكتٸ ۋاقىتپەن ساعات 17:00-گە دەيٸن ۇزارتىلدى.
«بٸز تٶتەنشە جاعدايدى تاعى ۇزارتۋىمىز كەرەك. بۇل سوڭعى رەت بولادى دەپ ٷمٸتتەنەمٸز», - دەدٸ ارمەنييا پرەمەر-منينيسترٸ نيكول پاشينيان.
ول سونداي-اق وسى جولعى تٶتەنشە جاعداي بٸراز جەڭٸلدەيتٸنٸن ايتتى.
بۇدان بٶلەك, وسىعان بايلانىستى بٷگٸن ۇلتتىق جينالىستا كەزەكتەن تىس وتىرىس بولاتىنى مەلٸم ەتٸلدٸ.
