پرەزيدەنتتٸڭ «تازا قازاقستان» باستاماسىن جٷزەگە اسىرۋ شەڭبەرٸندە قازاق ورمان شارۋاشىلىعى جەنە اگروورمان مەليوراتسيياسى عىلىمي-زەرتتەۋ ينستيتۋتى ەكولوگييالىق جوبالاردى عىلىمي سٷيەمەلدەۋدٸ جٷرگٸزەدٸ. بۇل تۋرالى ينستيتۋتتىڭ باسقارما تٶراعاسى ەلٸمجان راحىمجانوۆ مەلٸمدەدٸ, دەپ حابارلايدى Ult.kz.
ونىڭ ايتۋىنشا, ارال تەڭٸزٸنٸڭ قۇرعاعان تٷبٸندە ينستيتۋت ماماندارى فيتومەليوراتسييانىڭ يننوۆاتسييالىق ەدٸستەرٸن سىناقتان ٶتكٸزۋدە. قارا سەكسەۋٸل وتىرعىزۋ ٷشٸن تٷيٸرشٸكتٸ تۇقىم سەبەتٸن اگرودروندار قولدانىلادى. اۆياتسييالىق تەحنولوگييالاردى قولدانۋ قامتۋ ايماعىن ۇلعايتۋعا جەنە كٷردەلٸ ۋچاسكەلەردە ورماندى قالپىنا كەلتٸرۋ جۇمىستارىنىڭ تيٸمدٸلٸگٸن ارتتىرۋعا مٷمكٸندٸك بەرەدٸ.
ورمان ٶسٸرۋمەن قاتار ينستيتۋت بوس جەرلەردٸ اۋىل شارۋاشىلىعى اينالىمىنا تارتۋ بويىنشا تەجٸريبەلەرگە كٸرٸسەدٸ.
«جاڭا كونستيتۋتسييادا ەكولوگيياعا ۇقىپتى قاراۋ قاعيداتى قولدانىلدى. بۇل – كٶگالداندىرۋ, ورمان ٶسٸرۋدە جاڭا تەحنولوگييالاردى ەنگٸزۋ. قازٸر ەكولوگييا مينيسترلٸگٸ جابىق ٶسٸرۋ جٷيەسٸنٸڭ التى تەلٸمباعىن سالۋدى جوسپارلاپ وتىر. وسىلايشا, بٸز قازاقستاندى كٶگالداندىرۋ جۇمىستارى ٷشٸن ستاندارتتى وتىرعىزۋ ماتەريالىمەن قامتاماسىز ەتە الامىز. 2026 جىلدان باستاپ بٸزدٸڭ عىلىمي-زەرتتەۋ ينستيتۋتى ارال تەڭٸزٸنٸڭ قۇرعاعان تٷبٸندە بولاشاقتا اۋىل شارۋاشىلىعىنا جارامدى جەمشٶپ, بال, جايىلىمدىق جەرلەر سالۋ بويىنشا عىلىمي تەجٸريبەلەر جٷرگٸزٸپ كەلەدٸ», — دەدٸ ەلٸمجان راحىمجانوۆ.
