قازاقستاننىڭ جۇپتىق سىندا بٸرٸنشٸ, ەلەمنٸڭ 25-راكەتكاسى اندرەي گولۋبەۆ ريم ماستەرس تۋرنيرٸنٸڭ جارتىلاي فينالىنا شىقتى, دەپ حابارلايدى قازاقپارات.
قازاقستاندىق تەننيسشٸ ارگەنتينالىق ماكسيمو گونسالەسپەن بٸرگە شيرەك فينالدا ۋرۋگۆايلىق اريەل بەحار – ەكۆادورلىق گونسالو ەسكوبارمەن كٷش سىناستى.
بٸرٸنشٸ پارتييادا قوس برەيككە قول جەتكٸزگەن قازاقستاندىق-ارگەنتينالىق جۇپ ايقىن باسىمدىلىق تانىتتى – 6:2.
ەكٸنشٸ سەت ەلدەقايدا تارتىستى ٶربٸپ, ماتچ تاعدىرى تاي-برەيكتە شەشٸلدٸ – 7:6 (12:10).
بٸر ساعات 45 مينۋتقا سوزىلعان بەسەكە بارىسىندا گولۋبەۆ پەن گونسالەس ەيس جاساماعانىمەن, 6 برەيك-پوينتتىڭ ەكەۋٸن پايدالاندى.
گولۋبەۆ پەن گونسالەستٸڭ جارتىلاي فينالداعى قارسىلاستارى كەيٸن انىقتالادى.
تاعى بٸر قازاقستاندىق دەنيس ەۆسەەۆ رەسەيلٸك الەكساندر شەۆچەنكومەن بٸرگە شىمكەنت چەللەندجەر تۋرنيرٸنٸڭ فينالىنا شىعا المادى. بۇل جۇپ جارتىلاي فينالدا تارتىستى ماتچتا شۆەيتسارييالىق انتۋان بەلە – برازيلييالىق گابريەل دەكامپقا ەسە جٸبەردٸ – 5:7, 7:6 (7:5), 6:10.
