بٷگٸن «AMANAT» تٶراعاسى ەرلان قوشانوۆ قر كونستيتۋتسيياسىنا ٶزگەرٸستەر مەن تولىقتىرۋلار ەنگٸزۋ بويىنشا رەفەرەندۋم ٶتكٸزۋدٸ قولداۋ ماقساتىندا بەينەكونفەرەنتسييا بايلانىسى ارقىلى رەسپۋبليكالىق پارتييالىق شتابتىڭ كەزەكتٸ وتىرىسىن ٶتكٸزدٸ, دەپ حابارلايدى "ۇلت اقپارات".
ٷگٸت ناۋقانى باستالعاننان بەرٸ اماناتتىقتار 5 مىڭنان استام ٸس-شارا ٶتكٸزدٸ. اتاپ ايتقاندا, ەڭبەك ۇجىمدارىمەن, بٸلٸم بەرۋ, دەنساۋلىق ساقتاۋ, مەدەنيەت, اۋىل شارۋاشىلىعى جەنە باسقا دا سالا ٶكٸلدەرٸمەن كەزدەسۋلەر ٶتتٸ. ونىڭ ٸشٸندە ٶڭٸرلەردٸڭ تۇرعىندارىمەن بٸر مىڭعا جۋىق كەزدەسۋدٸ پارلامەنت مەجٸلٸسٸندەگٸ پارتييا فراكتسيياسىنىڭ مٷشەلەرٸ ٶتكٸزدٸ.
جالپى, ٷگٸت-ناسيحات ٸس-شارالارىنا 220 مىڭنان استام ادام قاتىستى.
«AMANAT» پارتيياسىنىڭ رەفەرەندۋم ٶتكٸزۋدٸ قولداۋ ٷگٸت ناۋقانى جالعاسىپ جاتىر. قارقىندى تٶمەندەتپەۋ كەرەك. ٶتكٸزٸلەتٸن كەزدەسۋلەردٸڭ سانىنا عانا ەمەس, بٸرٸنشٸ كەزەكتە ساپاسىنا دا نازار اۋدارعان جٶن. بٸز كونستيتۋتسييالىق ٶزگەرٸستەردٸڭ مەنٸن تٷسٸنٸكتٸ, قاراپايىم تٸلمەن جەتكٸزۋٸمٸز قاجەت. ادامداردى ۋچاسكەلەرگە كەلٸپ, ٶز داۋىسىن بەرۋگە ىنتالاندىرۋىمىز كەرەك», – دەدٸ پارتييا تٶراعاسى.
ەرلان قوشانوۆ اتاپ ٶتكەندەي, قازٸرگٸ ۋاقىتتا 5 ماۋسىمدا ٶتەتٸن رەفەرەندۋمدا ازاماتتاردى داۋىس بەرۋگە شاقىرۋ ٷشٸن بارلىق رەسۋرستى جۇمىلدىرۋ ٶتە ماڭىزدى.
جيىن سوڭىندا پارتييا تٶراعاسى ٷگٸت-ناسيحات جۇمىستارىن جانداندىرۋعا قاتىستى بٸرقاتار ناقتى تاپسىرما بەردٸ.
