«التىن قالام 2016» تەۋەلسٸز ەدەبي جٷلدەسٸنٸڭ ەرەجەسٸ
جالپى ەرەجە
«التىن قالام» تەۋەلسٸز ەدەبي جٷلدەسٸ (ەرٸ قاراي - كونكۋرس) 2016 جىلى مىناداي ماقساتپەن ٶتكٸزٸلەدٸ:
- جاس جەنە قازاقستاندىق قالامگەرلەردٸ دەرٸپتەۋ;
- قازاق قالامگەرلەرٸنٸڭ قاتىسۋىمەن ەدەبي كەشتەر جەنە ماستەر-كلاسستار ٶتكٸزۋ;
- بٷگٸنگٸ قازاقستان ەدەبيەتٸنٸڭ بازاسىن قالىپتاستىرۋ جەنە ولاردى جارييالاۋ.
ۇيىمداستىرۋ كوميتەتٸ
ۇيىمداستىرۋ كوميتەتٸنٸڭ قۇرامىنا قۇرىلتايشىلار ٶكٸلدەرٸ جەنە كونكۋرس مەتسەناتتارى, ىقىلاس تانىتقان ۇيىمداردىڭ ٶكٸلدەرٸ كٸرەدٸ.
كونكۋرستىڭ ۇيىمداستىرۋ كوميتەتٸ كونكۋرس قاتىسۋشىلارىن ماراپاتتاۋ رەسٸمٸن ۇيىمداستىرادى, قازىلاردى كونكۋرس قاتىسۋشىلارىنىڭ شىعارمالارىن باعالاۋعا شاقىرادى.
ۇيىمداستىرۋ كوميتەتٸ قابىلدانعان شىعارمالارعا رەتسەنزييا جازبايدى, ولاردى اۆتورعا قايتارمايدى جەنە باسىپ شىعارۋ نەمەسە جارييالاۋ ٷشٸن باسپا ٷيلەرٸنە جٶنەلتپەيدٸ. سونىمەن قاتار, ۇيىمداستىرۋ كوميتەتٸ كونكۋرسقا ۇسىنىلعان جۇمىسقا بايلانىستى اۆتورلارمەن حات الماسپايدى.
ۇيىمداستىرۋ كوميتەتٸ www.akalam.kz. سايتىندا وقىرمانداردىڭ جوعارى باعاسىن العان شىعارمالاردىڭ اۆتورلارىن حاباردار ەتەدٸ جەنە ماراپاتتاۋ رەسٸمٸنە شاقىرادى.
جەڭٸمپازداردى انىقتاۋ جەنە ماراپاتتاۋ تەرتٸبٸ
بارلىق جۇمىسwww.akalam.kzسايتىنا ورنالاستىرىلادى ( ەرٸ قاراي - سايت).
داۋىس بەرۋ ەكٸ كەزەڭمەن جٷرگٸزٸلەدٸ: بٸرٸنشٸ كەزەڭدە ٷزدٸك شىعارمالاردى سايت وقىرماندارى داۋىس بەرۋ ارقىلى انىقتايدى. ولار لايىقتى ەدەبي شىعارماعا 2015 جىلعى تامىز ايىنىڭ 31-نە دەيٸن داۋىس بەرەدٸ.
مۇنان كەيٸن, سايتتا ەڭ كٶپ داۋىس جيناعان جۇمىستار جەڭٸمپازدى انىقتاۋ ٷشٸن قازىلارعا تابىس ەتٸلەدٸ.
ناقتى اتالىم بويىنشا ەڭ كٶپ داۋىس جيناعان اۆتور كونكۋرس جەڭٸمپازى اتانادى. جەڭٸمپازعا قاراعاندا از, بٸراق ٶزگەلەرگە قاراعاندا كٶپ داۋىس جيناعان اۆتور كونكۋرس ديپلومانتى اتانادى. ەكٸ اۆتور تەڭ دەرەجەدە كٶپ داۋىس جيناسا, قازىلاردىڭ شەشٸمٸمەن ەكەۋٸ دە جەڭٸمپاز اتانۋى مٷمكٸن نەمەسە بٸرەۋٸ جەڭٸمپاز, ەكٸنشٸسٸ - ديپلومانت بولادى. سونداي-اق, تەڭ نەمەسە ايىرماشىلىعى شامالى عانا داۋىس جيناعان ەكٸ نەمەسە ودان دا كٶپ اۆتور ديپلومانت اتانۋى مٷمكٸن.
كونكۋرستىڭ قازىلار قۇرامىنا شاقىرىلعان تانىمال اقىندار, رەداكتورلار, باسپاگەرلەر, قۇرىلتايشىلار مەن ۇيىمداستىرۋشىلاردىڭ ٶكٸلدەرٸ جەنە مەتسەناتتار كٸرەدٸ.
قازىلار ەر اتالىم بويىنشا جەڭٸمپازدى جاسىرىن داۋىس بەرۋ ارقىلى جٷلدەدەن ٷمٸتكەرلەردٸڭ سوڭعى تٸزٸمٸنەن تاڭدايدى. www.akalam.kz cايتىنداعى داۋىس بەرۋ قورىتىندىسى مەن قازىلار مٷشەلەرٸ جايلى اقپارات كونكۋرس قاتىسۋشىلارىن سالتاناتتى ماراپاتتاۋ رەسٸمٸنە دەيٸن جارييالانبايدى.
قازىلار كونكۋرس قاتىسۋشىلارىمەن حات الىسپايدى. قازىلار شەشٸمٸ ٶزگەرتٸلمەيدٸ.
قازىلارمەن كەلٸسە وتىرىپ ۇيىمداستىرۋ كوميتەتٸمەن, دەمەۋشٸلەرمەن, جەكەلەگەن كەسٸپورىندارمەن, قۇرىلتايشىلارمەن, ۇيىمدارمەن كونكۋرستىڭ ارنايى سىيلىقتارى تاعايىندالۋى مٷمكٸن.
قازىلار كەز كەلگەن اتالىم بويىنشا جەڭٸمپازعا نەمەسە ديپلومانتقا اتاق بەرۋدەن باس تارتۋعا قۇقىلى.
كونكۋرس جەڭٸمپازدارىنا ديپلومدار 2016 جىلدىڭ كٷزٸندە ٶتەتٸن كونكۋرس قاتىسۋشىلارىن ماراپاتتاۋ رەسٸمٸندە تابىس ەتٸلەدٸ.
ماراپاتاتۋ شاراسى ٶتەتٸن ورىنعا بارىپ-قايتۋ شىعىنىن كونكۋرس قاتىسۋشىسى ٶزٸ كٶتەرەدٸ.
جٷلدە قاتىسۋشىلارى
كونكۋرسقا كەز كەلگەن ادام, تانىمالدىعىنا, كەسٸبي دايىندىعىنا, شىعارماشىلىق وداقتارداعى مٷشەلٸگٸنە, مەكەن-جايىنا قاراماستان قاتىسا الادى.
كونكۋرسقا ورتامىزدا جٷرگەن, كٶزٸ تٸرٸ اۆتورلاردىڭ شىعارمالارى عانا قابىلدانادى.
كونكۋرسقا شىعارمالاردى اۆتوردىڭ ٶزٸ عانا جولداي الادى/سواۆتور, اۆتوردىڭ (قۇجاتتاعى) اتى-جٶنٸ كٶرسەتٸلمەگەن شىعارمالار, ٷشٸنشٸ بٸر ادام ارقىلى جٸبەرٸلگەن جۇمىستار قارالمايدى.
شىعارمالار قازاق نەمەسە ورىس تٸلدەرٸندە جازىلۋى تيٸس.
قاتىسۋشىلار بٸر مەزگٸلدە كونكۋرستىڭ بٸرنەشە نوميناتسيياسىنا جۇمىستارىن ۇسىنا الادى.
ەربٸر قاتىسۋشى كونكۋرستىڭ بٸر جانرىنا 3 شىعارماعا دەيٸن جولداي الادى.
كونكۋرستىڭ 2016 جىلى جارييالانعان اتالىمدارىنا سەيكەس كەلمەيتٸن جۇمىستار قارالمايدى.
كونكۋرسقا الدىڭعى جىلدارى ۇسىنىلعان جۇمىستار ەكٸنشٸ رەت قابىلدانبايدى جەنە قارالمايدى. سونىمەن قاتار, كونكۋرسقا فاكسپەن, قولدان جازىپ جٸبەرٸلگەن شىعارمالار قابىلدانبايدى جەنە قارالمايدى.
قازىلار جەنە ۇيىمداستىرۋ كوميتەتٸنٸڭ مٷشەلەرٸ كونكۋرسقا ٷمٸتكەر رەتٸندە قاتىسپايدى.
جۇمىستاردى ۇسىنۋ تەرتٸبٸ
جۇمىستار ۇيىمداستىرۋ كوميتەتٸنٸڭ adebiet2014@gmail.com ەلەكتروندىق مەكەن-جايىنا جولدانىلۋى كەرەك نەمەسە www.akalam.kz سايتىندا كەلەسٸ مەلٸمەتتەر تولىق كٶرسەتٸلٸپ تولتىرىلۋى تيٸس:
- تەگٸ, ەسٸمٸ, ەكەسٸنٸڭ اتى (قۇجات بويىنشا), جاسى, مەكەن-جايى, قىسقاشا شىعارماشىلىق ٶمٸربايانى, سونداي-اق قوسىمشا كەز كەلگەن اقپارات (بۇل مەلٸمەتتەرمەن تەك ۇيىمداستىرۋ كوميتەتٸ تانىسادى);
- بايلانىس تەلەفونى, e-mail (بۇل مەلٸمەتتەرمەن تەك ۇيىمداستىرۋ كوميتەتٸ تانىسادى);
- شىعارمالار ەلەكتروندىق تٷردە (فايل فورماتى - Microsoft Word نەمەسە RTF, شريفت Times New Roman نەمەسە Arial Cyrillic, شريفت مٶلشەرٸ 12, جولدار اراسىنداعى ينتەرۆال 1,5);
- جوعارىدا كٶرسەتٸلگەن مەلٸمەتتەر تولىقتىرىلعان حاتتىڭ ەلەكتروندىق پوشتامەن ۇيىمداستىرۋ كوميتەتٸنە جٸبەرٸلۋٸ سٸزدٸڭ كونكۋرس ەرەجەسٸمەن كەلٸسكەنٸڭٸزدٸ, سونىمەن قاتار جولدانعان شىعارمالاردى ەرٸ قاراي ۇيىمداستىرۋ كويميتەتٸنٸڭ پايدالانۋىنا اۆتوماتتى تٷردە رۇقسات بەرگەنٸڭٸزدٸ بٸلدٸرەدٸ (تٶمەندە كٶرسەتٸلگەن «شىعارمالاردى پايدالانۋ» بٶلٸمٸن قاراڭىز).
نازار اۋدارىڭىز! قاتىسۋشىلار ٷشٸن كونكۋرس انونيمدٸ تٷردە جٷرگٸزٸلەدٸ. كونكۋرستى ٶتكٸزۋ جەنە قورىتىندى شىعارۋ كەزٸندە قاتىسۋشىلاردىڭ تٸركەلۋ مەلٸمەتتەرٸن ۇيىمداستىرۋ كوميتەتٸ مەن سايت ادمينيستراتورى عانا قاراي الادى. ەگەر كونكۋرس قاتىسۋشىسى سايت جۇمىسىنا ات سالىسۋعا نيەت بٸلدٸرمەسە جەنە بٸزدٸڭ اۆتورىمىز بولعىسى كەلمەسە, تٸركەلۋ مەلٸمەتتەرٸ سول كٷيٸ جارييالانبايدى. مۇنداي جاعدايدا دەرەكتەر رەداكتسييالانىپ, بايلانىس تەلەفونى مەن مەكەن-جايى كٶرسەتٸلمەۋٸ مٷمكٸن.
كونكۋرسقا جۇمىستار تٷرلٸ اتالىمدار بويىنشا 2016 جىلعى شٸلدە ايىنىڭ 01 كٷنٸ مەن 2016 جىلعى قازان ايىنىڭ 15 كٷنٸ ارالىعىندا قابىلدانادى.
كونكۋرس اتالىمدارى
2016 جىلى كونكۋرس كەلەسٸ اتالىمدار بويىنشا ٶتكٸزٸلەدٸ:
- جىلدىڭ ٷزدٸك پوەزيياسى
- جىلدىڭ ٷزدٸك پروزاسى
- جىلدىڭ ٷزدٸك دراماتۋرگيياسى
- جىلدىڭ ٷزدٸك بالالار جەنە جاسٶسپٸرٸمدەر ەدەبيەتٸ
- جىلدىڭ ٷزدٸك ساتيراسى
- جىلدىڭ ٷزدٸك فانتاستيكا نەمەسە دەتەكتيۆ شىعارماسى
- جىلدىڭ ٷزدٸك كينو ستسەناريٸ جەنە دراماتۋرگيياسى
- قازاق ەدەبيەتٸنە قوسقان ەلەۋلٸ ەڭبەگٸ ٷشٸن
- جىلدىڭ ٷزدٸك رومانى
- دەمەۋشٸ تاڭداۋى
شىعارمالاردى پايدالانۋ
اۆتور, كونكۋرسقا ٶز شىعارمالارىن جولداي وتىرىپ, ولاردىڭ ۇيىمداستىرۋ كوميتەتٸ مەن قازىلار مٷشەلەرٸنٸڭ شەشٸمٸ بويىنشا قازاقستان رەسپۋبليكاسىنىڭ تٷرلٸ قالالارىندا جارييالانۋىنا كەلٸسٸمٸن بەرەدٸ سونداي-اق, اۆتور اۆتورلىق قالاماقى الۋعا ۇمتىلمايدى.
ۇيىمداستىرۋ كوميتەتٸنٸڭ ەلەكتروندىق مەكەن-جايى: adebiet2014@gmail.com
"ۇلت اقپارات"
