الماتى ەكٸمٸ باقىتجان ساعىنتاەۆ ورتالىق كوممۋنيكاتسييالار قىزمەتٸندە ٶتكەن بريفينگتە COVID-19-بەن كٷرەسكە جۇمىلدىرىلعان دەرٸگەرلەر مەن مەديتسينا قىزمەتكەرلەرٸن قولداۋ شارالارى تۋرالى ايتتى, دەپ حابارلايدى قازاقپارات.
ونىڭ ايتۋىنشا, كوۆيد جۇقتىرعان ناۋقاستار مەن ينفەكتسييالىق ستاتسيونارلاردا جۇمىس ٸستەيتٸن مەديتسينا قىزمەتكەرلەرٸ جۇمىس ٸستەگەن ساعاتتارىنا قاراي اي سايىنعى ٷستەمەاقىلارىن الىپ جاتىر.
الماتىدا بيىلعى جىلدىڭ 9 ايىندا مەديتسينا قىزمەتكەرلەرٸنە جالپى سوماسى 14 ملرد تەڭگەدەن استام تٶلەم جٷرگٸزٸلدٸ. وسى كەزەڭدە اي سايىن 3,5 مىڭنان 7,5 مىڭعا دەيٸن مەديتسينا قىزمەتكەرٸ ٷستەمەاقى الدى.
«كۆي-مەن كٷرەس بارىسىندا جۇمىس ورنىندا اتالعان ٸندەتتٸ جۇتىرىپ, ناۋقاستانىپ قالعان 1491 مەديتسينا قىزمەتكەرٸ بەلگٸلەنگەن تٶلەمدٸ الدى. بۇعان قوسىمشا 50 مەديتسينا قىزمەتكەرٸ جەرگٸلٸكتٸ بيۋدجەتتەن ەلەۋمەتتٸك تٶلەمدەر الدى. بٷگٸنگٸ تاڭدا كادرلىق رەزەرۆتە 2450 مەديتسينا قىزمەتكەرٸ بار», – دەدٸ باقىتجان ساعىنتاەۆ.
