يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ الماتى تٷبٸندەگٸ ۇشاق اپاتىن تەرگەۋ جۇمىسى نەگە بٸرنەشە جىلعا سوزىلىپ كەتكەنٸن ايتتى, دەپ حابارلايدى قازاقپارات.
«جاقىن ارادا «بەك ەير» كومپانيياسىنىڭ ۇشاعى الماتى تٷبٸندە قۇلاعان ەۋە اپاتىن تەرگەۋدٸڭ قورىتىندىسىن الامىز. ٶكٸنٸشكە قاراي, بۇل قايعىلى وقيعا اۆياكومپانييانىڭ قاۋٸپسٸزدٸك ستاندارتتارىن ساقتاۋىندا ەلەۋلٸ زاڭبۇزۋشىلىقتاردى انىقتادى. شىندىعىن ايتساق, پاندەمييا شەكتەۋلەرٸنە بايلانىستى تەرگەۋ ۇزاققا سوزىلدى. حالىقارالىق ساراپشىلار قازاقستانعا جۇمىسقا ۋاقىتىندا كەلە المادى», - دەدٸ مينيستر.
ۆەدومستۆو باسشىسى تەكسەرۋ ەدٸل ٶتۋٸ ٷشٸن حالىقارالىق تەجٸريبە بويىنشا قۇزىرەتتٸ ورگاندار قورىتىندى بەرگەنگە دەيٸن اپاتتى تەرگەۋ بارىسىنا تٷسٸنٸكتەمە بەرە المايتىنىن اتاپ ٶتتٸ.
