فوتو: Zakon.kz
الماتىدا ارنايى حقكو-نىڭ بٸرنەشە قىزمەتكەرٸ جٷك كٶلٸكتەرٸن زاڭسىز تٸركەگەنٸ ٷشٸن سوتتالدى, دەپ حابارلايدى Ult.kz.
ارنايى پروكۋرورلار جٷرگٸزگەن تەرگەۋ بارىسىندا 2023 جىلى اتالعان مەكەمەنٸڭ 5 قىزمەتكەرٸ 18 جٷك كٶلٸگٸن جالعان قۇجاتتار ارقىلى تٸركەپ, ولاردىڭ ناقتى شىعارىلعان جىلىن ەدەيٸ بۇرمالاعانى انىقتالعان.
زاڭسىز ەرەكەتتەر سالدارىنان كٶلٸك قۇرالدارىن باستاپقى تٸركەۋ كەزٸندە تٶلەنۋٸ تيٸس 164 ملن تەڭگە كٶلەمٸندەگٸ الىم مەملەكەتتٸك بيۋدجەتكە تٷسپەگەن.
تەرگەۋ كەزٸندە جٷرگٸزٸلگەن كەشەندٸ ساراپتامالار مەن دەلەلدەر ايىپتالۋشىلاردىڭ كٸنەسٸن تولىق راستادى. سونىمەن قاتار سوتقا دەيٸنگٸ تەرگەپ-تەكسەرۋ بارىسىندا مەملەكەتكە كەلتٸرٸلگەن شىعىن تولىق ٶتەلگەن.
سوت ٷكٸمٸمەن ايىپتالۋشىلار كٸنەلٸ دەپ تانىلىپ, ەرتٷرلٸ مەرزٸمگە باس بوستاندىعىنان ايىرۋ جازاسىنا كەسٸلدٸ.
