الماتىدا جەر سٸلكٸنٸسٸ تۋرالى الدىن الا حابار بەرەتٸن قۇرىلعى ورناتىلىپ جاتىر. بۇل تۋرالى الماتى ەكٸمٸ باقىتجان ساعىنتاەۆ «الماتى» تەلەارناسىنداعى تٸكەلەي ەفيردە ايتتى, دەپ حابارلايدى قازاقپارات.
ونىڭ ايتۋىنشا, سەيسمولوگييا ينستيتۋتى 2018 جىلدان بەرٸ «قازاقستاننىڭ وڭتٷستٸك-شىعىسىنداعى سەيسميكالىق قاۋٸپتٸ ايماقتاردى كەشەندٸ زەرتتەۋ جەنە كٷشتٸ جەر سٸلكٸنٸسٸ تۋرالى الدىن-الا ەسكەرتۋ جٷيەسٸنٸڭ نەگٸزدەرٸن جاساۋ» باعدارلاماسى بويىنشا جۇمىس جٷرگٸزۋدە.
«سول باعدارلامانى ٸسكە اسىرۋ اياسىندا ينستيتۋت جاپوندىق شەشٸم بازاسىندا تەستٸلەۋ رەجيمٸندە ەرتە حاباردار ەتۋ جٷيەسٸنٸڭ 9 سەيسميكالىق ستانتسيياسىن ورناتتى. 2023 جىلعا دەيٸن سەيسميكالىق داتچيكتەرمەن, اۆتونومدى قۋات كٶزدەرٸمەن جابدىقتالعان تاعى 28 ستانتسييا ورناتۋ, سونداي-اق سەيسمولوگييا ينستيتۋتى مەن تجد-دە ديسپەتچەرلٸك پۋنكتتەر اشۋ جوسپارلانۋدا»,-دەيدٸ باقىتجان ساعىنتاەۆ.
جٷيە اۆتوماتتى رەجيمدە جويقىن سەيسميكالىق تولقىننىڭ قالاعا جاقىنداعانى تۋرالى سيگنال بەرەدٸ جەنە تۇرعىندارعا ەرتە ەسكەرتۋ جاسالادى. ەسكەرتۋ Darmen موبيلدٸ قوسىمشاسىنىڭ كٶمەگٸمەن ٸسكە اسادى. جەر سٸلكٸنٸسٸ تۋرالى سيگنال 40 سەكۋندقا دەيٸنگٸ ارالىقتا حابارلانادى.
