قر قم قارجى مونيتورينگٸ كوميتەتٸنٸڭ الماتى قالاسى بويىنشا ەكونوميكالىق تەرگەۋ دەپارتامەنتٸ الماتى قالاسىندا استىرتىن ويىنحانانىڭ ۇيىمداستىرۋشىلارى مەن زاڭسىز ويىن بيزنەسٸنە عيماراتتى جالعا بەرگەن ازاماتقا قاتىستى سوتقا دەيٸنگٸ تەرگەۋ امالدارىن اياقتادى. بۇل تۋرالى قم قمك باسپاسٶز قىزمەتٸ حابارلادى.
جەدەل-تەرگەۋ امالدارى نەتيجەسٸندە استىرتىن ويىنحانانىڭ قىزمەتٸ ەشكەرەلەنٸپ, ول جەردە ويىنشىلار مەن كازينو جۇمىسشىلارى بولعاندىعى انىقتالدى.
تٸنتۋ بارىسىندا پوكەر ويىنىنا ارنالعان كەيس, ويىن كارتالارى, فيشكالار مەن اقشالاي قاراجات تەركٸلەنگەن ەدٸ. سونداي-اق, ۇيىمداستىرۋشىلار استىرتىن ويىنحاناعا كەلەتٸن ادامداردى قاتاڭ تەكسەرٸپ, ولاردى ويىنحاناعا كٸرگٸزۋٸ ناقتى جٷيەگە قويىلعان, ياعني ول جەرگە تەك تەكسەرٸستەن ٶتكەن ازاماتتار عانا كٸرەتٸن بولعان.
استىرتىن ويىنحانانى ۇيىمداستىرۋشىلار, ويىنشىلاردى «WhatsApp» جەلٸسٸ ارقىلى شاقىرىپ, ويىننىڭ بولاتىن مەكەنجايىن ايتىپ وتىرعان. شاقىرتۋ العان ويىنشىلار, ويىنحاناعا كەلگەننەن كەيٸن مينيمالدى 50 000 تەڭگە تٶلەپ ويىنعا قاتىسقان.
اتالعان قىلمىستى ۇيىمداستىرۋشىلار مەن زاڭسىز ويىن بيزنەسٸنە عيماراتتى جالعا بەرگەن ازامات قر قك 307 بابى (زاڭسىز ويىن بيزنەسٸن ۇيىمداستىرۋ) بويىنشا جاۋاپكەرشٸلٸككە تارتىلىپ, بارلىعى ەرتٷرلٸ مەرزٸمدەگٸ بوستاندىعىن شەكتەۋ جازاسىنا سوتتالدى.
