الماتىدا Sulpak دٷكەنٸ الدىنداعى اعاشتاردى كەسۋ ٸسٸ بويىنشا سوت وتىرىسى ٶتتٸ, دەپ حابارلايدى "ۇلت اقپارات".
سوت وتىرىسىندا مەملەكەتتٸك ايىپتاۋشى سۋديادان كٸنەلٸگە باس بوستاندىعىن ايىرۋ جازاسىن تاعايىنداۋدى سۇرادى.
«ايىپتالۋشى بۇل جۇمىسپەن جىلدار بويى اينالىسىپ كەلدٸ. ول جاسىل جەلەكتەردٸ كەسۋگە تىيىم سالۋ تۋرالى زاڭدى بٸلۋٸ كەرەك. پروباتسييالىق باقىلاۋ ورناتىپ, كەسٸپكەرلٸك قىزمەتپەن اينالىسۋ قۇقىعىنان ايىرۋدى جەنە 4 جىلعا سوتتاۋدى سۇرايمىن», - دەدٸ پروكۋرور.
سوتتالۋشى ٶز كٸنەسٸن ٸشٸنارا مويىنداپ, سوتتان 339-باپتى 340- باپقا اۋىستىرۋدى سۇرادى.
«مەنٸڭ كەمەلەتكە تولماعان بالالارىم جەنە قارت اتا-انام بار, بۇل شەشٸم ولار ٷشٸن ٷلكەن سوققى بولادى. الماتى تۇرعىندارىنان جاساعان ٸسٸم ٷشٸن كەشٸرٸم سۇرايمىن. مۇنى ەسكەرۋٸڭٸزدٸ ٶتٸنەمٸن, قۇرمەتتٸ سۋديا. كەشٸرٸڭٸز!. مەن ەندٸ نە ٸستەگەنٸمدٸ تٷسٸندٸم. مەن ەلٸ جاسپىن, سوندىقتان الماتى ٷشٸن كٶپ نەرسە ٸستەۋگە تىرىسامىن. اعاش وتىرعىزامىن, كٶگالداندىرۋ جۇمىستارىنا اتسالىسامىن. مەن ٶزٸمدٸ اقتاپ جاتقان جوقپىن. بٸراق سٸزدەن جازانى جەڭٸلدەتۋٸڭٸزدٸ سۇرايمىن. مەنٸڭ كٸشكەنتاي بالالارىم بار, مەنەن باسقا ولاردى تەربيەلەيتٸن ەشكٸم جوق», - دەدٸ جاننا نۇرتاەۆا
ەسكە سالايىق, بىلتىر 23 قاراشا كٷنٸ الماتىدا ساۋدا ٷيٸنٸڭ جانىنداعى جايقالعان ەمەن مەن قاراعاش وتالدى. بۇل تۋرالى تۇرعىندار ەلەۋمەتتٸك جەلٸدە نارازىلىق بٸلدٸردٸ.
كەيٸن الماتى قالالىق جاسىل ەكونوميكا باسقارماسى ساۋدا ٷيٸنٸڭ الدىنداعى اعاشتاردىڭ جاپپاي كەسٸلۋٸنٸڭ مەن-جايىن انىقتادى.
پرەزيدەنت قاسىم-جومارت توقاەۆ الماتى قالاسى تٶلە بي كٶشەسٸندەگٸ اعاشتاردىڭ وتالعانىنا قاتىستى جاعدايعا نازار اۋداردى.
مەملەكەت باسشىسى الماتى ەكٸمٸ باقىتجان ساعىنتاەۆقا اتالعان جاعدايعا بايلانىستى قىزمەتتٸك تەكسەرۋ جٷرگٸزٸپ, كٸنەلٸلەردٸ جاۋاپقا تارتۋدى تاپسىردى.
ال, بيىلعى جىلدىڭ ناۋرىزىندا Sulpak دٷكەنٸ الدىنداعى اعاشتاردىڭ وتالۋىنا قاتىستى ٸس سوتقا بەرٸلدٸ.
