الماتى قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتارييا دەرٸگەرٸ جانداربەك بەكشين ۆاكتسينا سالدىرماعاندار قاشىقتان جۇمىس ٸستەيتٸنٸن ايتتى, دەپ حابارلايدى "ۇلت اقپارات".
ونىڭ ايتۋىنشا, قىزمەتكەرلەرٸ تولىقتاي ۆاكتسينا سالدىرعان بولسا, وفيستە بۇرىنعىداي جۇمىس ٸستەي الادى.
«مەكەمەلەردٸڭ, كەڭسەلەردٸڭ جۇمىسىنا قاتىستى سۇراق ٶتە جيٸ قويىلادى. ەگەر Ashyq جٷيەسٸنە قوسىلماعان بولسا, قىزمەتكەرلەردٸڭ 80 پايىزى قاشىقتان, 20 پايىزى كەڭسەدەن جۇمىس ٸستەي الادى. قىزمەتكەرلەرٸ تولىق ۆاكتسينا سالدىرعان بولسا, پايىزدىق ٷلەس ەسكەرٸلمەيدٸ, تەك ۆاكتسينا سالدىرماعاندار قاشىقتان جۇمىس ٸستەۋگە جٸبەرٸلەدٸ», - دەدٸ جانداربەك بەكشين.
بەكشين تۇرعىنداردى ەپيدەميولوگتار مەن دەرٸگەرلەرگە جاۋاپكەرشٸلٸكپەن قاراۋعا شاقىردى.
ونىڭ ايتۋىنشا, قازٸر بەتپەردە تاعۋ, ەلەۋمەتتٸك قاشىقتىقتى ساقتاۋ, قولدى جيٸ جۋۋ مەن ۆاكتسينا الۋ سىندى سانيتارلىق قاۋٸپسٸزدٸك ەرەجەلەرٸن ساقتاۋ ٶتە ماڭىزدى.
