بيىل الماتى مەكتەپتەرٸندە 261 مىڭنان استام وقۋشى وقىپ جٷر. بۇل ٶتكەن جىلمەن سالىستىرعاندا 17 مىڭ بالاعا كٶپ, دەپ حابارلايدى "ۇلت اقپارات".
الماتى قالالىق بٸلٸم باسقارماسى باسشىسى گٷلنار قوجابەرگەنوۆانىڭ ايتۋىنشا, جاڭا وقۋ جىلىندا بوستاندىق اۋدانىنداعى № 105 مەكتەپ - 300 ورىنعا, الاتاۋ اۋدانىنداعى № 201 مەكتەپ-گيمنازيياسىنىڭ عيماراتى 600 ورىنعا دەيٸن كەڭەيتٸلدٸ.
«جاڭا وقۋ جىلى اياقتالعانعا دەيٸن تٷركسٸب اۋدانى «نۇرشاشقان» ەلدٸ مەكەنٸندەگٸ 600 ورىندىق مەكتەپ, ەۋەزوۆ اۋدانىنىڭ «مامىر» ەلدٸ مەكەنٸندەگٸ 1200 ورىندىق بٸلٸم وشاعىنىڭ قۇرىلىسىن اياقتاۋ جوسپارلانعان», - دەدٸ گٷلنار قوجابەرگەنوۆا ەكٸمدٸكتٸڭ باسپاسٶز ورتالىعىندا ٶتكەن بريفينگتە.
سونىمەن قاتار ول الماتىدا ٷش اۋىسىممەن وقىتاتىن مەكتەپ جوق ەكەنٸن اتاپ ٶتتٸ.
