الماتىدا ساۋدا ويىن-ساۋىق ورتالىقتارىنا سەنبٸ كٷنٸ جۇمىس ٸستەۋگە رۇقسات بەرٸلدٸ. بۇل تۋرالى قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى, قالانىڭ باس سانيتارلىق دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
«بٸز بۇل مەسەلەنٸ تيياناقتى قاراستىردىق. سەبەبٸ, بۇل ادام دەنساۋلىعىنا تٸكەلەي بايلانىستى. بٸز ٶمٸر مەن بيزنەستٸڭ اراسىنداعى تەڭدٸكتٸ ۇستاۋعا تىرىسىپ جاتىرمىز. ٶيتكەنٸ, بۇل ۆيرۋس كەلەسٸ جىلى دا بولادى. ەگەر بٸز قاۋٸپسٸزدٸكتٸڭ بارلىق تالاپتارىن ساقتايتىن بولساق, ەپيداحۋال تۇراقتى بولادى. بٸز الدا بيزنەس جۇمىسىن توقتاتپاس ٷشٸن كارانتين تالاپتارىن ساقتاۋىمىز كەرەك. ەپيدەميولوگييالىق تالداۋدىڭ نەتيجەسٸندە ساۋدا ويىن-ساۋىق ورتالىقتارىنىڭ الگوريتممەن جۇمىسىنا رۇقسات بەردٸك», - دەدٸ جانداربەك بەكشين.
