الماتىنىڭ باس سانيتار دەرٸگەرٸ جانداربەك بەكشين جرۆي جەنە تۇماۋمەن سىرقاتتانۋ ەلدەقايدا جوعارى بولعان كەزدە كٷزگٸ-قىسقى ماۋسىمعا دايىندالۋ ٷشٸن قازٸر كوروناۆيرۋسقا قارسى ەكپە جاساۋ ٶتە ماڭىزدى دەپ سانايدى. سونىمەن قاتار قولدا بار ۆاكتسينالار اگرەسسيۆتٸ دەلتا شتاممىنا قارسى تۇرۋعا تيٸمدٸ, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە ج. بەكشين قالانىڭ الدىڭعى ٸندەتتٸڭ ٷش تولقىنىنان قالاي امان قالعانىن ەسكە سالدى.
باس سانيتاردىڭ ايتۋىنشا, 2020 جىلدىڭ ناۋرىز ايىندا العاشقى تولقىن كوروناۆيرۋستىڭ العاشقى 82 جاعدايىن تٸركەۋدەن باستالدى.
ٶتكەن جىلدىڭ شٸلدەسٸندە 6 372 جاعداي تٸركەلٸپ, قىركٷيەكتە 165 جاعدايعا دەيٸن تٶمەندەدٸ.
ەپيدەمييانىڭ ەكٸنشٸ, شاعىن تولقىنى 2020 جىلدىڭ قازان ايىندا باستالدى - 366 جاعداي تٸركەلدٸ. 2021 جىلدىڭ قاڭتارىندا ەڭ جوعارى دەڭگەيگە جەتتٸ – 3607 جاعداي.
تٶمەنگٸ كٶرسەتكٸش اقپان ايىندا تٸركەلدٸ - 2 945 جاعداي.
«2021 جىلدىڭ اقپان ايىنىڭ سوڭى مەن ناۋرىز ايىنىڭ باسىنان باستاپ ٸندەتتٸڭ ٷشٸنشٸ تولقىنى باستالدى, ول بريتان شتامىنا بايلانىستى بولدى. سەۋٸر ايىندا 19 918 جاعداي تٸركەلدٸ. ال ماۋسىم ايىندا قۇلدىراپ, 4 573 جاعدايدى قۇرادى», – دەدٸ الماتى قالالىق سەبد باسشىسى.
15 ماۋسىمدا ٷندٸ شتامىنا بايلانىستى ٸندەتتٸڭ تٶرتٸنشٸ تولقىنى باستالدى.
ول شارىقتاۋ شەگٸنە ەلٸ جەتكەن جوق, بٸراق الماتى ەپيدەميولوگتارىنىڭ بولجامى بويىنشا بۇل كەزەڭ 3 مەن 4 تامىزعا تۋرا كەلەدٸ.
الماتى قالاسى قوعامدىق دەنساۋلىق باسقارماسىنىڭ مەلٸمەتٸنشە, قازٸرگٸ كەزدە ينفەكتسييالىق ستاتسيونارلاردا 4 148 ادام جاتىر, ونىڭ 215-ٸ - بالا.
رەانيماتسييادا – 281 ادام, ٶجج اپپاراتىنا 27 ناۋقاس قوسىلعان, ينۆازيۆتٸ ەمەس ٶجج-دا – 121, High flow-دا 98 اپپارات جۇمىس ٸستەيدٸ.
