الماتى قالاسى بويىنشا ەكونوميكالىق تەرگەۋ دەپارتامەنتٸ قالادا زاڭسىز ويىن بيزنەسٸن ۇيىمداستىرعان 1991 جىلى تۋعان ازاماتقا قاتىستى سوتقا دەيٸنگٸ تەرگەۋدٸ اياقتادى. بۇل جٶنٸندە قارجى مونيتورينگٸ كوميتەتٸ حابارلادى.
زاڭسىز ويىنحانانى قىزمەتكەرلەر جەدەل-تەرگەۋ شاراسى بارىسىندا كالا شەتٸنەن انىقتادى.
تەرگەۋ اياسىندا قالا تۇرعىنىنىڭ گرۋزييا ەلٸنٸڭ تۋماسى ەكەندٸگٸ, قازاقستاندا تۇرۋعا ىقتييارحاتى بار ەكەنٸ بەلگٸلٸ بولدى. ول اسا ٸرٸ كٶلەمدە - 29,6 ميلليون تەڭگەدەن استام سومادا تابىس ەكەلگەن استىرتىن بيزنەس - ەلەكتروندى كازينو جۇمىسىن جٷرگٸزٸپ كەلگەن.
ٷي-جايدى تەكسەرۋ بارىسىندا دەپارتامەنت قىزمەتكەرلەرٸ 7 ويىن تەرمينالىن, تىيىم سالىنعان بيزنەس تٷرٸن ۇيىمداستىرۋعا مٷمكٸندٸك بەرەتٸن, اتاپ ايتقاندا, ستاۆكا قابىلداۋعا, ۇتىستى ەسەپتەۋ مەن بەرۋگە قولداۋ كٶرسەتەتٸن ونلاين ويىننىڭ 39 كومپيۋتەرلٸك تەحنيكا قوسىمشالارىن تەركٸلەدٸ.
سوت ٷكٸمٸمەن ايىپتالۋشى قر قك 307-بابىنىڭ 3-بٶلٸمٸ, 2-تارماقشاسىنا سەيكەس كٸنەلٸ دەپ تانىلىپ, وعان 4 جىلعا باس بوستاندىعىنان ايىرۋ جازاسى تاعايىندالدى.
