الماتىدا تاۋ شاتقالىنا اپاراتىن جولدى سۋ باسىپ قالدى, دەپ حابارلايدى "ۇلت اقپارات" تٶتەنشە جاعدايلار مينيسترلٸگٸنە سٸلتەمە جاساپ.
5 مامىر 15 ساعات 52 مينۋتتا الماتى تٶتەنشە جاعدايلار دەپارتامەنتٸنە شۇعىل حابارلاما كەلٸپ تٷسكەن.
مەدەۋ اۋدانىنداعى «گورەلنيك» شاتقالىندا تەمپەراتۋرالىق فوننىڭ كٶتەرٸلۋٸ مەن قار ەرۋٸ سالدارىنان كٶلەمٸ 5 تەكشە مەتر سۋ تٶگٸلگەن.
وسىلايشا بۇرۋ قۇبىرىنىڭ لاستانۋىنان (800 مم) جول تٶسەمٸن سۋ باسىپ قالدى.
زارداپ شەككەندەر مەن مەرت بولعاندار جوق, ەشتەڭە قيراماعان.
«قازسەلدەنقورعاۋ» مەكەمەسٸنٸڭ قىزمەتكەرلەرٸ مەن ٶرت سٶندٸرۋشٸلەر قابىلداعان شارالاردىڭ ارقاسىندا بۇرۋ قۇبىرى تازارتىلىپ, سۋ ٶتكٸزۋ قابٸلەتٸ قالپىنا كەلدٸ.
وقيعا ورنىندا 16 قىزمەتكەر, 6 تەحنيكا جۇمىس ٸستەدٸ.
اپات سالدارىن جويۋ ٸسٸنە الماتى قالاسى تجد, «قازسەلدەنقورعاۋ» مم, «الماتى سۋ» اق, الماتى قالاسى پد قاتىستى.
