سۋرەت اشىق دەرەككٶزدەن الىندى
2022 جىلى مەگاپوليستە 8 قارجى پيراميداسىنىڭ قىزمەتٸ توقتاتىلدى. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا الماتى قالاسى ەكونوميكالىق تەرگەۋ دەپارتامەنتٸنٸڭ ٶكٸلٸ جاقسىلىق مىرزاحان مەلٸم ەتتٸ, دەپ حابارلايدى قازاقپارات.
سپيكەردٸڭ سٶزٸنشە, بىلتىر الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتٸ قالا اۋماعىنداعى 8 قارجى پيراميداسىنىڭ قىزمەتٸن توقتاتتى.
ولار - «Innova Gold», «QOZGAN», «تhe Finiko», «Grand lux house», «Tender», «الفا سەيلس كونسالتينگ», «Forex كلۋب», «Rich Beach».
قر قىلمىستىق كودەكسٸنٸڭ 217-بابىمەن قارجى پيراميداسى بويىنشا قوزعالعان 6 قىلمىستىق ٸس سوتقا جولداندى: «Caspian Crocus», «TheFiniko», «World Business Consulting» - 2, «Qozgan Inc», «B2B Jewelry».
جوعارىدا اتالعان قارجى پيراميدالارىنان 3500-دەن استام ازامات زارداپ شەكتٸ.
«مەسەلەن, «Qozgan Inc» قارجى پيراميداسىن ۇيىمداستىرۋشىلارعا قاتىستى سوتقا دەيٸنگٸ تەرگەۋدٸ اياقتالدى. ۇيىمداستىرۋشىلار ازاماتتارعا ٶزدەرٸنٸڭ اقشالاي قاراجاتتارىن تەندەرلٸك جوبالارعا سالۋدى ۇسىندى, بۇل 105 كٷن ٸشٸندە سالىم سوماسىنىڭ 5-30 پايىزعا دەيٸن ەسەلەپ قايتارۋعا بولادى دەپ سەندٸرگەن. سالىمشىلاردىڭ جالپى سانى 50-دەن استام ادامدى قۇرايدى, كەلتٸرٸلگەن زالال سوماسى 270 ملن تەڭگەدەن استى», - دەدٸ الماتى قالاسى ەكونوميكالىق تەرگەۋ دەپارتامەنتٸنٸڭ ٶكٸلٸ جاقسىلىق مىرزاحان.
سونداي-اق, قۇرامىندا التىن ەلەمەنتتەرٸ بار التىن قۇيمالارى مەن كوسمەتيكالىق ٶنٸمدەردٸ ساتاتىن ينتەرنەت-دٷكەن رەتٸندە جاسىرىنعان «Innova Gold» ينۆەستيتسييالىق پيراميداسىن ۇيىمداستىرۋشىعا قاتىستى سوتقا دەيٸنگٸ ٸس تەرگەلٸپ جاتىر.
«Innova Gold» ۇيىمداستىرۋشىلارى ازاماتتاردىڭ سەنٸمٸنە كٸرٸپ, جوباعا شاقىرعان. قاراجات سالعانى ٷشٸن بونۋستار ەسەپتەۋگە, سونداي-اق ەگەر كليەنت ٶزٸمەن بٸرگە باسقا سالىمشىلاردى الىپ كەلگەن بولسا, جوباداعى رٶلٸن ٸلگەرٸلەتۋگە ۋەدە بەرگەن. ازاماتتار سالعان اقشالاي قاراجاتى «Innova Gold» سايتىنداعى سالىمشىنىڭ جەكە كابينەتٸندە كٶرسەتٸلدٸ, الايدا سايت پايدالانۋشىلارى ٶز قاراجاتىن ٸس جٷزٸندە قولما-قول اقشاعا اينالدىرا المادى», - دەدٸ ول.
جاقسىلىق مىرزاحاننىڭ ايتۋىنشا, ەكونوميكالىق تەرگەۋ قىزمەتٸ قابىلدانعان شارالاردىڭ نەتيجەسٸندە قارجى پيراميداسىن ۇيىمداستىرۋشىلاردىڭ بانك شوتىنا, جىلجىمالى جەنە جىلجىمايتىن مٷلكٸنە تىيىم سالىندى.
مىسالى, «World Business Consulting» قارجى پيراميداسىن ۇيىمداستىرۋشىلارعا قاتىستى قىلمىستىق ٸس بويىنشا سەگٸز جەبٸرلەنۋشٸگە كەلگەن 34, 2 ملن تەڭگە زالال ٶتەلدٸ.
