الماتى ورتالىعىندا تٷندە كٶلٸكپەن جارىسقاندار ۇستالدى, دەپ حابارلايدى "ۇلت اقپارات".
ارنايى ٸس-شارانى قالالىق پوليتسييانىڭ قاتارداعى بٶلٸمدەرٸنٸڭ كٷشتەرٸ جٷرگٸزدٸ.
«بٸز تٷنگٸ جارىس ەۋەسقويلارى اراسىندا ەڭ تانىمال ورىنداردى تاڭدادىق جەنە انىقتادىق, وندا ارنايى جەرگٸلٸكتٸ رەيد ٶتكٸزۋدٸ ۇيعاردىق. سونداي-اق, تۇرعىنداردىڭ شاعىمىن نەگٸزگە الدىق, قاتتى ايداۋ ارقىلى ەۋەسقويلار ولاردىڭ تىنىشتىعىن بۇزادى. وسىلايشا, كەشە كەشكٸسٸن بٸزدٸڭ اۋداننىڭ اۋماعىندا ناقتى جٷرگٸزٸلگەن ٸس-شارا جۇمىستارىنىڭ نەتيجەسٸندە 30-دان اسا جول ەرەجەسٸن بۇزعان تۇرعىن انىقتالدى», - دەدٸ الماتى پد مەدەۋ اۋداندىق پوليتسييا باسقارماسىنىڭ باستىعى دەۋرەن ٶتەباەۆ.
ونىڭ ايتۋىنشا, توعىز كٶلٸك مامانداندىرىلعان ايىپپۇل تۇراعىنا قويىلدى.
پوليتسييا قالادا گٷرٸلدەۋٸشتەرگە ورناتىلعان رەزوناتورلار, تٸكەلەي اعىنى بار كٶلٸكتەردٸڭ جۇمىسىنا باقىلاۋدى كٷشەيتكەنٸن ەسكە سالدى.
