«مەرەيلٸ وتباسى» ۇلتتىق كونكۋرسىنىڭ ايماقتىق كەزەڭٸنٸڭ قورىتىندىسىندا جەڭٸمپاز دەپ تانىلعان جەتٸسۋلىق ەكٸ وتباسىنىڭ ەرقايسىسى 1 ملن. تەڭگەنٸڭ سەرتيفيكاتىن, I دەرەجەلٸ ديپلوم يەلەندٸ. كٶجەكباەۆتار ەۋلەتٸنٸڭ اقساقالى 105 جاستاعى قارييا كٷرٸشبەك كٶجەكباەۆ پەن جاراسوۆتار وتباسىنىڭ وتاعاسى ماقسىمجان جاراسوۆ ماراپاتتارىن وبلىس ەكٸمٸنٸڭ ورىنباسارى جاقسىلىق وماردىڭ قولىنان الدى. بۇل تۋرالى بٷگٸن تالدىقورعانداعى ٸ. جانسٷگٸروۆ اتىنداعى مەدەنيەت سارايىندا ٶتكەن مەرەكەلٸك شارادا بەلگٸلٸ بولدى, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وبلىستىق بايقاۋدىڭ سالتاناتتى جيىنىندا وبلىس ەكٸمٸنٸڭ ورىنباسارى جاقسىلىق ومار قۇتتىقتاۋ سٶز سٶيلەدٸ.
- بٷگٸن ٶز مەرەسٸنە جەتٸپ وتىرعان «مەرەيلٸ وتباسى» بايقاۋىنىڭ وبلىستىق كەزەڭٸ قۇتتى بولسىن! ەل ٸرگەسٸنٸڭ بەرٸك ۇستىنى سانالار ەربٸر شاڭىراققا بەرەكە-بٸرلٸك, باقىت پەن شاتتىق تٸلەيمٸن! ەلباسىمىز نۇرسۇلتان ەبٸشۇلى نازارباەۆتىڭ باستاماسىمەن قولعا الىنىپ وتىرعان بايقاۋدىڭ ماقساتى – وتباسىلىق قۇندىلىقتاردى نىعايتۋ, تاتۋ-تەتتٸ, تەربيەلٸ شاڭىراق مٷشەلەرٸن كٶپشٸلٸككە تانىستىرۋ. ەل ٸشٸندە اۋىلداستارىنىڭ قۇرمەتٸنە بٶلەنگەن, ارداقتى, بەرەكەلٸ ەۋلەتتەر, ٶنەگەسٸ مول وتباسىلار بارشىلىق. سوندىقتان جىل ٶتكەن سايىن «مەرەيلٸ وتباسى» بايقاۋىنىڭ مەنٸ ارتىپ, قاتىسقىسى كەلەتٸندەردٸڭ قاتارى ۇلعايىپ كەلەدٸ. مەرەيلٸ وتباسىلاردى ٷلگٸ-ٶنەگە ەتۋ ارقىلى ٶسكەلەڭ ۇرپاقتى ٸزگٸلٸككە تەربيەلەي الامىز. بٷگٸنگٸ بايقاۋ جەڭٸمپازدارىن شىن جٷرەكتەن قۇتتىقتايمىن! – دەي كەلە ج. ومار جٷلدەگەرلەردٸ ماراپاتتاپ, سىي-سيياپاتتار تاپسىردى.
I دەرەجەلٸ ديپلوممەن ەكٸ وتباسى – جامبىل اۋدانىنان كەلگەن جاراسوۆتار مەن ۇيعىر اۋدانىنىڭ تۇرعىندارى كٶجەكباەۆتار وتباسى ماراپاتتالدى.
جاراسوۆتار وتباسى - «جاسىل ەل» مەملەكەتتٸك باعدارلاماسىن جٷزەگە اسىرۋعا اۋقىمدى ٷلەس قوسقان ەۋلەت. وتاعاسى ماقسىمجان جاراسوۆ ميلليوننان استام اعاش وتىرعىزعان. مەملەكەت باسشىسىنىڭ جارلىعىمەن «قۇرمەت» وردەنٸن يەلەنٸپ, «ەكولوگييا سالاسىنىڭ ٷزدٸگٸ» تٶسبەلگٸسٸن العان. 8 بالانى اياقتاندىرىپ, 40 نەمەرە, 21 شٶبەرە كٶرٸپ وتىر. كٶجەكباەۆتار وتباسىنىڭ دا ٷلگٸسٸ ەرەن. كٷرٸشبەك كٶجەكباەۆ – ۇلى وتان سوعىسىنىڭ ارداگەرٸ, سوعىستان كەيٸن دە ەلدٸڭ ەلەۋمەتتٸك-ەكونوميكالىق دامۋىنا زور ٷلەس قوستى. بٸرنەشە مەملەكەتتٸك ناگرادالارعا يە بولعان, سونىڭ ٸشٸندە «قۇرمەت» وردەنٸ دە بار. قازٸرگٸ كەزدە 105 جاستاعى ارداگەر 4 بالادان 25 نەمەرە, 30 شٶبەرە, 15 شٶپشەك سٷيٸپ وتىر.
ەكٸ وتباسى دا ەلوردادا ٶتەتٸن رەسپۋبليكالىق بايقاۋدا باق سىناپ, وبلىستىڭ نامىسىن قورعايتىن بولادى.
ەكٸنشٸ ورىندى ۇيعىر اۋدانىنىڭ تۇرعىندارى حامراەۆتار وتباسى مەن تالدىقورعاندىق مىرزاتاەۆتار جەنە ەسكەلدٸ اۋدانىنان تايجانوۆتار يەلەنٸپ, 300 مىڭ تەڭگەنٸڭ سەرتيفيكاتىن الدى. ٷشٸنشٸ ورىنعا لايىق دەپ تانىلعان الاكٶلدٸك قوجابەكوۆتەر وتباسى, ەڭبەكشٸقازاق اۋدانىنان قارتباەۆتار جەنە قاراساي اۋدانىنان كەلگەن جانعۇتتىلار وتباسىنا III دەرەجەلٸ ديپلوم مەن 250 مىڭ تەڭگەنٸڭ سەرتيفيكاتى بەرٸلدٸ. بۇلار وبلىستىڭ ساۋدا, شىعارماشىلىق, اۋىل شارۋاشىلىعى, ەسكەري قىزمەت سالالارىندا ەڭبەك ەتٸپ جٷرگەن ٶنەگەلٸ وتباسىلار.
بايقاۋعا قاتىسقان باسقا 30 وتباسىنا دا وبلىس ەكٸمٸنٸڭ العىس حاتتارى مەن اقشالاي سىيلىقتار ۇسىنىلدى.
قاتىسۋشىلار مەن جەڭٸمپازدار اتىنان سٶز العان كٷرٸشبەك اتا ەلباسىنىڭ ساليقالى ساياساتىن جٷرگٸزۋگە ەركٸم دە اتسالىسۋ كەرەكتٸگٸن, ەڭ الدىمەن جاس ۇرپاق اناسىن, ٷلكەندەردٸ سىيلاۋى قاجەتتٸگٸن جەنە ەڭبەكتٸ سٷيٸپ, بەرەكە-بٸرلٸكتە ٶمٸر سٷرۋ كەرەكتٸگٸن اتاپ ٶتٸپ, باتاسىن بەردٸ.
جالپى, بايقاۋدىڭ العاشقى كەزەڭٸندە الماتى وبلىسى بويىنشا 290 وتباسى قاتىسسا, سولاردىڭ 38-ٸ قازىلار القاسىنىڭ جوعارى باعاسىن الىپ, وبلىستىق بايقاۋعا جولداما العان. جىل وتباسى اتاعىنا كٶپ بالالى وتباسىلار, ەڭبەك ەۋلەتتەرٸ, شىعارماشىلىق وتباسىلار, دەرٸگەرلەر, مۇعالٸمدەر ەۋلەتتەرٸ جەنە باسقا دا ٷلگٸلٸ شاڭىراقتار ٷمٸتكەر بولدى.
