الماتى وبلىسىندا ٷش اۋىسىمدا وقىتاتىن 38 مەكتەپ بار. بۇل جٶنٸندە دەل قازٸر حالىق الدىندا ەسەپ بەرٸپ جاتقان ٶڭٸر باسشىسى اماندىق باتالوۆ مەلٸمدەدٸ, دەپ حابارلايدى "ۇلت اقپارات".
«بيىل 13 مەكتەپ سالامىز. ونىڭ ٸشٸندەگٸ 8 مەكتەپ ٷش اۋىسىمدا وقىتاتىن بٸلٸم شاڭىراقتارىنىڭ مەسەلەسٸن شەشۋگە باعىتتالعان. جالپى بۇل ماقساتقا 11,2 ملرد تەڭگە قاراستىرىلعان», - دەدٸ ا. باتالوۆ.
وبلىس ەكٸمٸنٸڭ مەلٸمەتٸنشە, ٷش اۋىسىمدا وقىتاتىن 8 مەكتەپ جامبىل اۋدانىنىڭ جايسان, قاسىمبەك اۋىلدارىندا, ٸلە اۋدانىنداعى تٷيمەباەۆ, قاراوي, جاپەك باتىر, قوسٶزەن ەلدٸ مەكەندەرٸندەگٸ جەنە قاراساي اۋدانىنا قاراستى شامالعاندا ورنالاسقان. بٸراق مۇنىمەن مەسەلە ەلٸ دە ٶزەكتٸلٸگٸن جوعالتپايدى. سوندىقتان الماتى وبلىسىندا جالپى قۇنى 10,3 ملرد تەڭگەگە باعالانعان تاعى 6 مەكتەپتٸڭ قۇرىلىسىن باستاۋ قاجەت. بٸر عانا ەڭبەكشٸقازاق اۋدانىنىڭ بەس اۋىلىنا تاشكەنساز, المالىباق, ٷشتەرەك, ٸرگەلي, باتان اۋىلدارىمەن قاراسايداعى شامالعان ستانتسيياسىندا مەكتەپ قۇرىلىسىن باستاۋ قاجەتتٸلٸگٸ تۋىنداپ تۇر.
الماتى وبلىسىنىڭ ەكٸمٸ اماندىق باتالوۆتىڭ سٶزٸنشە, سوڭعى بەس جىلدىڭ ٸشٸندە جەتٸسۋ جەرٸندە 75 جاڭا مەكتەپ سالىنعان. ونىڭ ٸشٸندە 30 مىڭ ورىندىق 55 مەكتەپ ٷش اۋىسىم مەسەلەسٸن شەشۋگە باعىتتالعان.
بٸراق الماتى وبلىسىندا جىل سايىن حالىق سانى ارتۋدا.
«مەسەلەن بىلتىر بٸرٸنشٸ سىنىپقا 48 مىڭ بالا باردى», - دەدٸ وبلىس ەكٸمٸ.
