فوتو: اشىق دەرەككٶز
الماتى وبلىسىنىڭ پروكۋراتۋراسى شامامەن جيىرما جىل بۇرىن جاسالعان كٸسٸ ٶلتٸرۋ ٸسٸ بويىنشا تەرگەپ-تەكسەرۋدٸ اياقتاۋدى قامتاماسىز ەتتٸ, دەپ حابارلايدى Ult.kz باس پروكۋراتۋراعا سٸلتەمە جاساپ.
قاداعالاۋ ورگانىنىڭ قىزمەتكەرلەرٸنٸڭ باستاماشىلىعىنىڭ ارقاسىندا قىلمىسقا قاتىسقان ٷشٸنشٸ سىبايلاس انىقتالىپ, سوتتالدى.
ٸستٸڭ مەن-جايى:
2006 جىلعى قىركٷيەكتە الماتى قالاسىندا ٷش ادام تاكسي جٷرگٸزۋشٸسٸ رەتٸندە قىرعىز رەسپۋبليكاسىنىڭ ازاماتشاسىن اۆتوكٶلٸككە وتىرعىزعان. ەيەل ادام بۋىندىرىلىپ ٶلتٸرٸلگەن, ونىڭ جەكە زاتتارى ۇرلانعان, ال مەيٸتٸ «الماتى – قاپشاعاي» تاسجولىنا تاستالعان.
2007 جىلى ەكٸ سىبايلاس سوتتالعان, الايدا ٷشٸنشٸ تۇلعاعا قاتىستى ٸس جٷرگٸزۋ توقتاتىلعان. قىلمىستىق ٸس مۇراعاتتا بولعان جەنە تالاپتارعا قايشى تٷردە ٶتكەن جىلدارداعى اشىلماعان كٸسٸ ٶلتٸرۋلەر تٸزٸمٸنە ەنگٸزٸلمەگەن.
پروكۋرورلىق قاداعالاۋدىڭ رٶلٸ:
بۇل جاسىرىن قىلمىستى انىقتاۋ الماتى وبلىسى پروكۋراتۋراسىنىڭ قىزمەتكەرلەرٸ ايدا يماناليەۆا مەن الييا سارسەكەەۆا جٷرگٸزگەن مۇقييات تالدامالىق جۇمىستىڭ نەتيجەسٸندە مٷمكٸن بولدى.
ٶتكەن جىلدارداعى ٸستەرگە جٷرگٸزٸلگەن مونيتورينگ بارىسىندا ولار نەگٸزسٸز توقتاتىلعان ٸس جٷرگٸزۋدٸ جەنە قىلمىسكەردٸ ٸزدەستٸرۋگە تيٸستٸ باقىلاۋدىڭ بولماعانىن انىقتادى.
پروكۋراتۋرا قىزمەتكەرلەرٸ دەرەكتەر بازالارىنا جان-جاقتى سالىستىرۋ جٷرگٸزٸپ, قوسىمشا مەلٸمەتتەر سۇراتۋ ارقىلى كٷدٸكتٸ «ك»-نىڭ قاراساي اۋدانىندا ناقتى ورنالاسقان جەرٸن انىقتادى.
«يماناليەۆا مەن سارسەكەەۆانىڭ باستاماشىلىعى مەن كەسٸبيلٸگٸنٸڭ ارقاسىندا ەدٸلدٸك قالپىنا كەلتٸرٸلدٸ. ولار تەرگەۋ ورگاندارىنا ناقتى نۇسقاۋلار بەرٸپ, تەرگەۋ بارىسىن ەرەكشە باقىلاۋعا الدى», — دەپ اتاپ ٶتتٸ ۆەدومستۆو ٶكٸلدەرٸ.
نەتيجە جەنە جاۋاپكەرشٸلٸك:
2025 جىلعى 9 شٸلدەدە كٷدٸكتٸ ۇستالدى. دەلەلدەمەلەر جينالعاننان كەيٸن ٸس سوتقا جولداندى.
2026 جىلعى 24 اقپاندا سوت ايىپتاۋ ٷكٸمٸن شىعارىپ, كٸنەلٸ 16 جىلعا باس بوستاندىعىنان ايىرىلدى.
ٷكٸم زاڭدى كٷشٸنە ەنگەن جوق.
