10 ماۋسىم كٷنٸ كارانتينگە جابىلعان الماتى وبلىستىق سوتىنان كارانتين رەجيمٸ الىنىپ تاستالدى, – دەپ حابارلايدى الماتى وبلىستىق سوتىنىڭ باسپاسٶز قىزمەتٸ.
«كورونوۆيرۋس ينفەكتسيياسى بويىنشا ەپيدەميولوگييالىق جاعدايدىڭ ٶزگەرۋٸنە بايلانىستى الماتى وبلىستىق سوتىنان كٷشەيتٸلگەن رەجيم الىنادى. سوت جۇمىسىن كٷشەيتٸلگەن كارانتين شارالارى نەگٸزٸندە جالعاسادى» دەلٸنگەن اتالعان ۆەدومستۆونىڭ باسپاسٶز قىزمەتٸ تاراتقان حابارلامادا.
سونداي-اق, سوت ٶندٸرٸسٸندەگٸ بارلىق ساناتتاعى ٸستەر قايتا جاڭارادى.
«سوت ٸسٸنە قاتىسى بار تۇلعالارعا سوت وتىرىستارىنىڭ قارالۋ ۋاقىتى مٸندەتتٸ تٷردە الدىن الا حابارلانادى. سوت وتىرىستارى تەك قاشىقتىقتان ٶتەدٸى. بارلىق قۇجاتتار تەك ەلەكتروندى تٷردە قابىلدانادى. ازاماتتار مەن سوتقا كەلۋشٸلەردەن ۋاقىتشا قابىلدانعان شارالارعا تٷسٸنٸستٸكپەن قاراۋدى سۇرايمىز»,- دەپ تولىقتىرادى الماتى وبلىستىق سوتىنىڭ باسپاسٶز قىزمەتٸ.
ەستەرٸڭٸزگە سالا كەتەيٸك, 10 ماۋسىم كٷنٸ الماتى وبلىستىق سوتىنىڭ 9 سۋدياسىنان كوروناۆيرۋس انىقتالىپ, سوت عيماراتى كارانتينگە جابىلعانىن حابارلاعان بولاتىنبىز.
