الماتىدا كٶشەدە كٶلٸكپەن جارىس ۇيىمداستىرعان بلوگەر ۇستالدى, دەپ حابارلايدى "ۇلت اقپارات".
ولاردىڭ جارىسقان ۆيدەوسى ەلەۋمەتتٸك جەلٸدە جارييالانعان.
قالالىق پد باسپاسٶز قىزمەتٸنەن حابارلاعانداي, قۇقىقبۇزۋشىلىقتى ارنايى مونيتورينگ توپتارى انىقتادى.
«تەكسەرۋ نەتيجەسٸندە «بمۆ» كٶلٸگٸن باسقارعان نازار ر ەسٸمدٸ تۇرعىنعا قاتىستى قر ەقبك 590-بابىنىڭ 3-بٶلٸمٸمەن – كٶلٸكتٸ جالعان نٶمٸرمەن ايداعانى ٷشٸن, قر ەقبك 606-بابىمەن – اپاتتى جاعداي تۋدىرعانى ٷشٸن, قر ەقبك 593-بابىنىڭ 2-بٶلٸمٸمەن – قاۋٸپسٸزدٸك بەلدٸگٸن تاقپاي ايداعانى ٷشٸن, قر ەقبك 595-بابىنىڭ 1-بٶلٸمٸمەن حاتتاما تولتىرىلدى. كٶلٸك ارنايى ايىپ تۇراعىنا قويىلدى. ال مەرسەدەس تٸزگٸندەگەن ادام پولتسييادان قاشىپ جٷر», - دەدٸ جەرگٸلٸكتٸ پوليتسييا قىزمەتٸنٸڭ باسشىسى ماناپ ساتتاروۆ.
جىل باسىنان بەرٸ ەكٸمشٸلٸك جاۋاپكەرشٸلٸككە قر ەقبك 590-بابىنىڭ 5-بٶلٸمٸمەن 500 جٷرگٸزۋشٸ تارتىلعان.
«ولار كٶلٸكتەرٸنە دىبىس زورايتقىش ورناتقان. بۇل دىبىس كٶپ ادامنىڭ تىنىشتىعىن بۇزاتىنى راس. قالا تۇرعىندارى موتيتسيكل ايداعان جٷرگٸزۋشٸلەرگە دە جيٸ شاعىم تٷسٸرەدٸ. تەكسوڭعى اپتانىڭ ٶزٸندە 17 جٷرگٸزۋشٸ جاۋاپكەرشٸلٸككە تارتىلعان», - دەدٸ ماناپ ساتتاروۆ.
