الماتى قالاسىندا بٸر تەۋلٸكتە 2340 ادام كوروناۆيرۋسقا قارسى ۆاكتسينا سالدىردى, دەپ حابارلايدى "ۇلت اقپارات".
الماتى قالالىق قوعامدىق دەنساۋلىق ساقتاۋ باسقارماسى تاراتقان مەلٸمەتكە سەيكەس, 24 مامىر كٷنٸ 2 340 الماتىلىق ۆاكتسينا سالدىردى. بيىلعى جىلدىڭ 1 اقپانى مەن 24 مامىرى ارالىعىندا قالادا بارلىعى 291 371 ادامعا ەكپە سالىندى.
«بٷگٸنگٸ كٷنگە دەيٸن قازاقستاندىق QazVac ۆاكتسيناسىن 3000 ادام الدى. قىتايدىڭ Sinopharm ۆاكتسيناسىنىڭ بٸرٸنشٸ كومپونەنتٸن 11 034 الماتىلىق سالدىردى», - دەپ اتاپ ٶتتٸ باسقارمادان.
قالادا 211 پۋنكت جۇمىس ٸستەپ تۇر. 1 256 ادامنان تۇراتىن 307 ەگۋ بريگاداسى بار. سونىمەن قاتار, 40 كٶشپەلٸ موبيلدٸ بريگادا ۇيىمداستىرىلدى.
«قازٸرگٸ مەديتسينالىق ۇيىمداردا, مەكتەپتەردە, مەدەنيەت, سپورت وبەكتٸلەرٸندە, بازارلار مەن قالانىڭ سوسو-دا ۆاكتسيناتسييا پۋنكتٸ جۇمىس ٸستەيدٸ» - دەپ ناقتىلادى قوعامدىق دەنساۋلىق ساقتاۋ باسقارماسى.
