الماتى ەۋەجايىندا «قىزىل» مەرتەبەسٸ بار 171 جولاۋشى انىقتالدى. بۇل تۋرالى الماتى قالاسى كەسٸپكەرلەر پالاتاسى ديرەكتورىنىڭ قۇقىقتىق مەسەلەلەر جٶنٸندەگٸ ورىنباسارى سالتانات لەسباەۆا بريفينگتە ايتتى, دەپ حابارلايدى قازاقپارات.
ونىڭ ايتۋىنشا, «Ashyq» جوباسى ارقىلى ٸندەتتٸڭ تارالۋىنىڭ الدىن الۋعا بولادى.
«نۇر-سۇلتان قالاسىنىڭ ەۋەجايىندا 252 وقيعا, ال الماتى قالاسىنىڭ ەۋەجايىندا 171 وقيعا تٸركەلدٸ. وندا ازاماتتاردىڭ مەرتەبەسٸ وڭ بولىپ شىقتى. سوعان قاراماستان ولار ۇشۋعا تىرىسقان. ال «اshyq» جوباسى كەم دەگەندە 15 مىڭ قازاقستاندىقتىڭ ٶمٸرٸن ٸندەتتەن قورعاپ قالدى», - دەدٸ سالتانات لەسباەۆا.
سونىمەن قاتار, ول وقشاۋلاۋعا جاتاتىن كەلۋشٸلەر انىقتالعان جاعدايدا سانيتارلىق-ەپيدەميولوگييالىق باقىلاۋ ورگاندارى ولاردى ەكٸمشٸلٸك جاۋاپكەرشٸلٸككە تارتۋعا قۇقىلى ەكەنٸن اتاپ ٶتتٸ.
«ەڭ ابزالى, كارانتين شارالارىن قاتاڭ ساقتاپ, ادامدار كٶپ شوعىرلاناتىن ورىندارعا قاجەت بولماسا بارماعان جٶن. سانيتارلىق دەرٸگەرلەر ماسكا قولدانىپ, قاشىقتىقتى ساقتاۋدى ۇسىنىپ وتىر. وسى تالاپتى ازاماتتار ەستەن شىعارماسا ەكەن», - دەيدٸ ول.
