مامىردىڭ سوڭىنا دەيٸن «QazVac» پەن «Hayat-Vax» ۆاكتسينالارى جەتكٸزٸلەدٸ. بۇل تۋرالى بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«كوروناۆيرۋسقا قارسى ۆاكتسينالاۋ جالعاسىپ جاتىر. بٷگٸندە ۆاكتسينانىڭ 2,6 ملن دوزاسى قولدانىلدى. ونىڭ ٸشٸندە بٸرٸنشٸ كومپونەنتپەن 1 871 823 ادام ەكپە الدى. ەكٸنشٸ كومپونەنتپەن 778 346 ادام قامتىلدى», - دەدٸ مينيستر.
سونىمەن قاتار ول باس مەملەكەتتٸك سانيتار دەرٸگەردٸڭ سپۋتنيك V ۆاكتسيناسىنىڭ بٸرٸنشٸ كومپونەنتٸنەن كەيٸن ەكٸنشٸسٸن الۋ ارالىعىن 21-دەن 90 كٷنگە دەيٸن ۇزارتۋعا قاتىستى قاۋلىسىنا ٶزگەرتۋ ەنگٸزٸلگەندٸگٸن اتاپ ٶتتٸ. ياعني, ازاماتتار ەكٸنشٸ كومپونەنتتٸ بٸرٸنشٸسٸن العاننان كەيٸنگٸ 21 كٷننەن باستاپ سالدىرا الادى.
«بٷگٸندە ەكپە پۋنكتتەرٸندە ۆاكتسينانىڭ جەتكٸلٸكتٸ دوزاسى بار: شامامەن 500 مىڭ بٸرٸنشٸ كومپونەنت جەنە 750 مىڭ ەكٸنشٸ كومپونەنت. ۆاكتسينانى جەتكٸزۋ دە كەستەگە سەيكەس جٷرگٸزٸلٸپ جاتىر. اتاپ ايتقاندا, 14 مامىردا قاراعاندى فارماتسەۆتيكالىق زاۋىتىنا سپۋتنيكا V ٶندٸرۋگە ارنالعان سۋبستانتسييا جەتكٸزٸلدٸ. قازٸرگٸ ۋاقىتتا ۆاكتسينانىڭ 1,2 ملن دوزاسىن كەزەڭ-كەزەڭٸمەن ٶندٸرۋ جٷرگٸزٸلٸپ جاتىر. سونىمەن قاتار ايدىڭ سوڭىنا دەيٸن قوسىمشا KazVac جەنە Hayat-Vax ۆاكتسينالارىنىڭ جەتكٸزٸلۋٸ كٷتٸلٸپ وتىر», - دەدٸ الەكسەي تسوي.
