الاكٶلدٸڭ الماتى وبلىسىنداعى جاعالاۋىندا تۋريستەردەن پتر تەست تالاپ ەتٸلمەيدٸ. بۇل جٶنٸندە ٶڭٸر باسشىسى اماندىق باتالوۆ نۇر-سۇلتان قالاسىندا ٶتٸپ جاتقان بريفينگ بارىسىندا ايتتى, دەپ حابارلايدى "ۇلت اقپارات".
«بىلتىر بٸز ٶتە ماڭىزدى شەشٸم قابىلدادىق. تۋريستەردەن كوروناۆيرۋسقا بايلانىستى پتر تەست تالاپ ەتكەن جوقپىز. ٶزٸم ايتا الامىن, الاكٶلدٸڭ قاسيەتتٸ سۋى ادامداردىڭ دەنساۋلىعىنا ٶتە پايدالى. بيىل دا دەمالۋشىلاردان ٸندەتكە بايلانىستى تەست تالاپ ەتٸلمەيدٸ. دەمالىس ورىندارى «Ashyk« جوباسى بويىنشا جۇمىس ٸستەيدٸ. ول ٶتە ىڭعايلى», - دەدٸ اماندىق باتالوۆ.
سونداي-اق ول بيىل تالدىقورعان-ٷشارال جولىنىڭ قۇرىلىسى اياقتالاتىنىن جەتكٸزدٸ.
جالپى جوبا بويىنشا تالدىقورعان-ٷشارال جولى 2022 جىلدىڭ كٷزٸندە اياقتالۋعا تيٸس. جوسپارعا سەيكەس 23 كٶپٸر سالىنادى. جولدى قىتايدىڭ «CITIC Contraction» كومپانيياسى جاساپ جاتىر, مەردٸگەرلەر اۋىسپاعان.
