اقتٶبەدە جول اپاتىنان بٸر وتباسىنىڭ تٶرت مٷشەسٸ قازا تاپتى

اقتٶبەدە ەكەسٸ, اناسى جەنە ەكٸ ۇلى جول اپاتىنان كٶز جۇمدى, دەپ حابارلايدى "ۇلت اقپارات".

وقيعا 16-تامىز كٷنٸ ساعات 19:15-تە «سامارا-شىمكەنت» اۆتوجولىنىڭ ىرعىز اۋدانى قالىباي كەنتٸنٸڭ جانىندا تٸركەلدٸ. شالقار اۋدانىنىڭ 39 جاستاعى تۇرعىنى, «Nissan X-Trail» اۆتوكٶلٸگٸنٸڭ جٷرگٸزۋشٸسٸ قىرعىزستان رەسپۋبليكاسىنىڭ ازاماتىنىڭ باسقارۋىنداعى «Volvo FH460» جٷك كٶلٸگٸمەن سوقتىعىستى.

«جول اپاتى سالدارىنان «Nissan X-Trail» اۆتوكٶلٸگٸنٸڭ جٷرگٸزۋشٸسٸ, 40 جاستاعى جۇبايى, 11 جاستاعى ۇلى العان جاراقاتىنان وقيعا ورنىندا كٶز جۇمىپ, 5 جاسار ۇلى مەن 10 جاسار قىزى ىرعىز اۋدانىنىڭ ورتالىق اۋرۋحاناسىنا جاتقىزىلدى. وندا 5 جاسار ۇلى كٶز جۇمدى.

قر قك 345-بابى 4-بٶلٸگٸ, ياعني, «ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان جول ەرەجەسٸن بۇزۋ» بويىنشا سوتقا دەيٸنگٸ تەرگەۋ باستالدى», - دەدٸ اقتٶبە وبلىسى پد باستىعى اتىعاي ارىستانوۆ.