اقتٶبەدە ەكٸ وقۋشىنى قاعىپ كەتتٸ. ەكەۋٸ دە اۋرۋحاناعا جاتقىزىلدى, دەپ حابارلايدى قازاقپارات.
بٸرٸنشٸ وقيعا 26-قاراشا كٷنٸ العا قالاسىندا تٸركەلدٸ. ساعات 12:40-تا «Daewoo Nexia» اۆتوكٶلٸگٸنٸڭ جٷرگٸزۋشٸسٸ ەسەت باتىر كٶشەسٸندەگٸ رەتتەلمەيتٸن جاياۋ جٷرگٸنشٸلەر ٶتكەلٸنەن ٶتٸپ بارا جاتقان جاياۋ جٷرگٸنشٸنٸ قاعىپ كەتتٸ.
«جول-كٶلٸك وقيعاسى سالدارىنان 9 جاستاعى جەتكٸنشەك اقتٶبە قالاسىنداعى وبلىستىق بالالار اۋرۋحاناسىنا جەتكٸزٸلدٸ. سونداي-اق 27-قاراشا كٷنٸ دەل وسىنداي جاعداي قاندىاعاش قالاسىنداعى جامبىل كٶشەسٸندە تٸركەلدٸ. «Audi-80» اۆتوكٶلٸگٸنٸڭ جٷرگٸزۋشٸسٸ قاندىاعاش قالاسىنداعى №5 ورتا مەكتەپتٸڭ جانىندا 2011 جىلى تۋعان كەمەلەتكە تولماعان جاياۋ جٷرگٸنشٸنٸ قاعىپ كەتتٸ. جول-كٶلٸك وقيعاسى سالدارىنان كەمەلەتكە تولماعان قىز بالا قاندىاعاش دە تٸرقالاسىنىڭ ورتالىق اۋرۋحاناسىنا جاتقىزىلدى», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
