شارۋا قوجالىعىنان شىعىپ, اۋىلعا بەت العان 30 جاستاعى جٸگٸت جوعالىپ كەتتٸ. ٸزدەۋگە يٸسشٸل يت جٸبەرٸلدٸ, دەپ حابارلايدى "ۇلت اقپارات".
13 قاڭتار كٷنٸ ساعات 23:50-دە وبلىستىق تٶتەنشە جاعدايلار دەپارتامەنتٸنە 8 ساعات بۇرىن اۋىل تۇرعىنىنىڭ ٸز-تٷزسٸز كەتكەنٸ تۋرالى حابار تٷستٸ.
«30 جاستاعى س.چاششەن شارۋا قوجالىعىنان مەرتٶك اۋدانىنىڭ اقسۋ اۋىلىنا ساعات 15:00-دە شىققان. حابارلاما تٷسكەن سوڭ جايساڭ اۋىلدىق وكرۋگٸندەگٸ تٶتەنشە جاعدايلار دەپارتامەنتٸنٸڭ جەدەل قۇتقارۋ جاساعىنان 8 ادام, 1 كينولوگ پەن بٸر تەحنيكا جٸبەرٸلدٸ. سونىمەن قاتار ٶرت سٶندٸرۋ جەنە اۆارييالىق قۇتقارۋ جۇمىستارى قىزمەتٸنەن 4 ادام, بٸر تەحنيكا, شارۋا قوجالىعىنان دا كٶمەك كٶرسەتٸلدٸ. جوعالعان جٸگٸت 14 قاڭتار كٷنٸ ساعات 00:30-دا اۋىلدان 13 شاقىرىم قاشىقتىقتان تابىلدى. وعان مەديتسينالىق كٶمەك قاجەت بولمادى, دٸن امان», - دەپ حابارلادى وبلىستىق تجد باسپاسٶز قىزمەتٸ.
