اقتٶبەدە مەتالل قابىلداۋ بەكەتٸنە تانك تاپسىرىپ, قازٸر تەرگەۋ جٷرٸپ جاتىر. تانكٸنٸ كٸمنٸڭ تاپسىرعانى تۋرالى اقپارات ەلٸ كٷنگە دەيٸن قۇپييا ساقتالىپ وتىر, دەپ حابارلايدى "ۇلت اقپارات".
ۇلتتىق ۇلاننىڭ ەسكەري پوليتسيياسى 66/55 ەسكەري بٸلٸمٸنە حابار كەلٸپ, تانكتٸڭ مەتالل قابىلداۋ بەكەتٸندە تۇرعانى انىقتالدى.
«بٸزدٸڭ ەسكەري بٶلٸمدە ەسكەري تەحنيكا بولعان سوڭ بارىپ قاراۋ - مٸندەتٸمٸز. ەسكەري بٶلٸم وفيتسەرلەرٸ وقيعا ورنىنا باردى, قارادى. شىن مەنٸندە تانك تۇر. تەك جوعارعى بٶلٸگٸ, وق-دەرٸسٸ جوق. سول جەردە كٸمنٸڭ تاپسىرعانى انىقتالدى. ونى قازٸر جارييالاي المايمىز. تەكسەرۋ جٷرٸپ جاتىر. ەسكەري تەرگەۋ باسقارماسى, اقتٶبە گارنيزونىنىڭ ەسكەري پوليتسيياسىنا حابار بەرٸلدٸ. قۇجاتتار جينالدى. تانكٸنٸڭ ماتەريالدىق قۇنى جوق. دەگەنمەن كەز كەلگەن ەسكەري تەحنيكا ارنايى ورىندا جويىلۋى تيٸس», - دەدٸ 66/55 ەسكەري بٶلٸمٸ ەسكەري پوليتسييا بٶلٸمشەسٸنٸڭ اعا جەدەل ۋەكٸلٸ مارات ەسەت.
ونىڭ ايتۋىنشا, ت-34 ماركالى تانك سوعىس كەزٸندە قولدانىلعان. قازٸر قولدانىستا جوق.
«قازٸر تانكٸ مەتالل قابىلداۋ بەكەتٸندە تۇر. ناقتى شەشٸم قابىلدانعانعا دەيٸن ەسكەريلەر كٷزەتەدٸ. مەتالل قابىلداۋ بەكەتٸندەگٸ ادامداردىڭ ايتۋىنشا, سالماعى 20 توننا بولادى», - دەدٸ مارات ەسەت.
