اقتٶبەدە ٸشٸمدٸك ٸشكەن ەيەل تٶرتٸنشٸ قاباتتان سەكٸرٸپ كەتتٸ. پوليتسييا ونى قۇتقارىپ قالدى, دەپ حابارلايدى "ۇلت اقپارات".
اقتٶبە قالاسى ش.ۋەليحانوۆ كٶشەسٸندەگٸ ٷيدٸڭ 4-قاباتىنان ەيەل سەكٸرمەك بولدى.
حابارلاما تٷسكەن بويدا وقيعا ورنىنا ۋچاسكەلٸك پوليتسييا ينسپەكتورى نۇرلىبەك كونيلكوشەۆ جەدەل جەتتٸ.
سونداي-اق پاترۋلدٸك پوليتسييا قىزمەتكەرلەرٸ سالامات ەلدەسوۆ جەنە نۇربەرگەن احەتوۆ باردى.
پوليتسييا جاعدايدى باعدارلاپ, ٷيدٸڭ تەرەزەسٸنٸڭ استىنا كٶرپە تارتىپ, ەيەلدٸ سەكٸرمەۋگە ٷگٸتتەي باستادى. بٸراق ول 4-قاباتتان سەكٸردٸ.
پوليتسييا مەن كٶرشٸلەر جايعان كٶرپە ەيەلدٸ ٶلٸمنەن امان الىپ قالدى.
«25 جاستاعى ەيەل جەڭٸل دەنە جاراقاتىن الىپ, اقتٶبە قالاسىنىڭ جەدەل مەديتسينالىق جەردەم اۋرۋحاناسىنا جەتكٸزٸلدٸ. ول مەديتسينالىق كٶمەك كٶرسەتٸلگەننەن كەيٸن ٷيٸنە جٸبەرٸلدٸ. ەيەلمەن بٸرگە تۇراتىن ادام پوليتسييا قىزمەتكەرلەرٸنە قۇتقارۋداعى جەدەلدٸگٸ ٷشٸن العىس ايتتى. ەيەلدٸ وسى قادامعا يتەرمەلەگەن سەبەپ انىقتالىپ جاتىر», - دەدٸ وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ.
